Charter Document - 05870076

Henricus Dei gratia [] Waltero eadem gratia Episcopo Dunelmensi salutem Monstraverunt nobis Abbas de S Albano et prior suus de Thynemua quod cum habeant quasdam libertates per cartas predecessorum nostrorum Regum Anglie usu et tempore vestris libertatibus priores ut dicitur videlicet quod habeant liberam curiam suam de hominibus suis infra Wapentakium de Satberge et quod non ponantur in placitum de aliquo tenemento suo nisi coram nobis et de speciali mandato nostro et idem abbas et prior et homines sui per districtionem vestram injuste trahantur in placitum in curia vestra coram justiciariis et ballivis vestris contra libertates predictas ac nos etiam pluries vobis mandaverimus ne ipsos infra libertatem vestram contra tenorem predictarum cartarum vexaretis vel a vestris vexari permitteretis vos et ballivi vestri nihilominus proceditis in placito predicto in grave prejudicium et lesionem libertatum predictarum et cum jam vos submoneri fecerimus ad comparendum coram nobis certo die ad respondendum predictis abbati et priori supra transgressione predicta per quod placitum inter vos et ipsos super contentione predicta motum adhuc pendet coram nobis et discussio prioritatis vel posteritatis libertatum vobis et ipsis hinc inde a progenitoribus nostris concessarum que tantam continet ambiguitatem a neutra parte fieri possit vel debeat vobis mandamus in fide qua nobis tenemini quod cognitioni predicti placiti supersedeatis et predictos justiciarios et ballivos nostros eidem similiter supersedere faciatis quousque indempnitati et conservationi tam vestrarum quam dictorum abbatis et prioris libertatum coram nobis in curia nostra plenius fuerit prospectum Data apud Meritonam prima die Januarii anno regni nostri XLI