Charter Document - 05870071
| Charter Number: | 05870071 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1256 |
| Date type: | Internal, Regnal |
| Resource Link(s): |
|
Charter:
Henricus Dei gratia venerabili patri W Dunelmensi Episcopo salutem Meminimus nos alias vobis scripsisse pro abbate S Albani et priore de Thinemua quod cum ipsi habeant quasdam libertates per cartas predecessorum nostrorum regum Anglie tam de libera curia sua de hominibus suis habenda infra Wapentakium vestrum de Satberge quam de eo quod non ponantur in placitum de aliquo tenemento suo nisi coram nobis vel speciale mandatum nostrum Que quidem libertates vestris libertatibus usu et tempore priores existunt ut dicitur et in collatione libertatum vestrarum non intendebant antecessores nostri sicuti nec debebant dictis abbati et priori vel eorum libertatibus prejudicium inferre vos mandato nostro in hac parte pretextu cujusdam libertatis vobis preterius concesse que priori derogare non debet non permittitis ipsis libertatibus suis predictis uti sicut facere consueverunt et debuerunt prius quam Wapentachium predictum vobis et ecclesie Dunelmensi esset collatum Nec vos nec ballivi vestri cessatis distringere eosdem Abbatem et priorem et homines suos de Karlebiri et de Mortune per capcionem averiorum suorum ad respondendum in curia vestra coram [te] et ballivis vestris contra libertates suas et contra tenorem cartarum suarum quas inde habent ut dicunt Et quia prioratus de Thinemua monasterio Sancti Albani immediate subjectus de patronatu nostro principaliter existit propter quod ipsum prioratum et libertates suas tueri et conservare tenemur vobis iterato mandamus quod ab inquietacione et gravamine dictorum Abbatis et prioris et hominum suorum penitus desistatis averia sua hac occasione capta deliberari facientes eisdem Ne iteratus clamor ad nos inde perveniat pro quo aliud ad hoc remedium apponere debeamus Teste meipso apud Westmonasterium xiii die octobris anno regni nostri xl
Source (click image below to view full size)
