Charter Document - 05870070

Henricus Dei gratia [] Episcopo Dunelmensi [] Ostensum est nobis ex parte abbatis S Albani quod cum ipse in curia vestra infra libertatem vestram Dunelmensem sit implacitatus super advocatione ecclesie de Kunesclive et ipse nuper ad curiam nostram misisset petens ut de attornato suo in dicta loquela recipiendo sibi provideretur eo quod propter imbecillitatem sui corporis prout nobis evidenter constat nullo modo probabiliter accedere posse Super que ad ipsum conservandum indempnem cui provisio nec potest nec debet denegari et pro conservanda etiam libertate vestra responderi fecimus quod ad vos mitteret in hoc casu et a vobis peteret ut potestatem alicui vel aliquibus concederetis attornatum suum recipiendi quod demum ad ejus instantiam fit per dilectum clericum nostrum et vestrum Walterum de Meretune cui per literis vestris id fieri demandastis Justiciarii vestri attornatum dicti Abbatis quem dictus Walterus de mandato vestro recepit admittere hesitant ut dicitur et contradicunt Pro eo quod idem Walterus ad curiam vestram personaliter non accessit dictum attornatum presentaturus cum tamen dictus Walterus de dicto attornato per ipsum ad mandatum vestrum ut predictum est recepto vobis per suas literas satis evidenter ac sufficienter constare fecisset et secundum consuetudinem et legem optinentam et hactenus approbatam omnes qui de facto suo recordum habent illud sub illorum sigillo mittere possunt et missio hujus sufficienter locum habent Et etiam quod hujus remedium dicto abbati ut predictum nec potest nec debet denegari vobis mandamus quod predictum attornatum ejusdem abbatis sine more dispendio recipi faciatis et dictum abbatem super exceptione predicta que penitus contraria est indempnem conservari Ita quod ad hoc manum aliter apponere non cogemur Teste meipso apud Wodestoc xvi die Augusti anno regni nostri xl