Charter Document - 05870061
| Charter Number: | 05870061 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Religious |
| Charter Type(s): | Certification |
| Date: | 1247 |
| Date type: | Internal, A.D. |
| Resource Link(s): |
Durham Cathedral Archive - Register III (f65v) |
Charter:
Universis sancte matris ecclesie filiis ad quos presens scriptum pervenerit Michael Archidiaconus de Stowa Judex a domino Papa delegatus et Nicholaus cancellarius Lincolniensis subdelegatus domini Archidiaconi Norhamptunie conjudicis dicti Archidiaconi de Stowa salutem in Domino Noverit universitas vestra quod cum contentio mota fuisset auctoritate Apostolica coram nobis thesaurario Lincolniensi tertio conjudice totaliter excusato inter venerabilem patrem Nicolaum niti gratia Episcopum Dunelmensem nomine ecclesie sue Dunelmensis ex parte una et Johannem eadem gratia Abbatem de sancto Albano et ejusdem loci Conventum et Priorem et conventum de Tynmouthe nomine monasterii de Tynmouthe ex altera super visitatione ecclesie parochialis de Tynmouthe et obedientia quam exigebat idem Episcopus a Priore de Thynemus [ratione jam dicte Ecclesia de Tynmouthe] et aliarum ecclesiarum parochialium quas in sua Diocesi obtinent monachi de Thynemua memorati tandem interveniente consensu capituli Dunelmensis lis inter ecclesias hoc amicabili fine conquievit in perpetuum Scilicet quod prefatus dominus Dunelmensis et successores sui per se vel per officiales suos visitationis officium exercebunt in illa parte ecclesie de Thynemua in qua parochianis divina celebrantur sine onere procurationis Ita quod de monachis seu alia parte ecclesie sive etiam de ipsa cella se nullatenus intromittant Salvis etiam in omnibus aliis privilegiis et indulgentiis dictorum monachorum Celle vero de Tynmouthe per Abbatem predictum vel vacante Abbatia per Priorem Sancti Albani de consensu capituli sui preficientur Priores et amovebantur secundum tenorem privilegiorum suorum Qui prefecti adeant Episcopum et presententur eidem canonicam obedientiam eidem promittentes ratione ecclesiarum parochialium quatenus privilegia Monasterio sancti Albani indulta permittunt Ita tamen quod pretextu illius obedientie Priores de Tynmouthe non vocentur ad Synodum Capitula vel aliquem conventum ecclesiasticum contra tenorem privilegiorum suorum Vicarii autem in Ecclesia de Tynmouthe successive instituendi a Priore et conventu de Tynmouthe de assensu Abbatis eorundem prenominato Episcopo et successoribus suis presentabuntur Qui quidem admissi eidem Episcopo de Spiritualibus et monachis memoratis de temporibus respondeant In premissorum autem testimonium huic scripto in modum Chirographi confecto parti scilicet penes prenominatos Abbatem et conventum Sancti Albani et Priorem et Conventum de Tynmouthe remanenti et parti penes ecclesiam Dunelmensem remanenti prefatus Episcopus et capitulum Dunelmense [et parti penes Ecclesiam Dunelmensem remanenti] se jam dicti Abbas et Conventus sancti Albani et Prior et conventus de Tynmouthe sigilla sua una cum sigillis nostris mutuo ad invicem apposuerunt Actum anno Domini millesimo ducentesimo quadragesimo septimo mense Maii in presentia prenominatorum Episcopi et Abbatis presentibus etiam domino Abbate de Novo Monasterio de Notingham de Sancto Albano et de Salopesbiry Archidiaconis Magistris Hugone de Stanbrige Willielmo de Burgo et Odone de Cilkenni et domino Johanne Francigena et multis aliis
Source (click image below to view full size)
