Charter Document - 05870060

Omnibus Christi fidelibus presens scriptum visuris vel audituris frater W Prior de Tynemutha et ejusdem loci humilis conventus et dominus J Rector Ecclesie de Bothall salutem in Domino sempiternam Cum inter nos monachos ex una parte et dictum J ex altera super quibusdam decimis de dominico domini Ricardi Bertram de Bothale provenientibus coram judicibus delegatis auctoritate domini Pape questio diutius verteretur tandem controversia inter nos habita sub hac forma amicabiliter conquievit viz quod nos omnes decimas in campis de Bothale ad nos de jure speciali spectantes scilicet duas garbas decimarum provenientium de toto dominico dicti R sive ab antiquo cultu seu de novo in culturam redacto dicto J de unanimi consensu capituli nostri integre concessimus habendas et possidendas libere et pacifice et quamdiu Ecclesiam de Bothale tenuerit sine omni molestia contradictione vel inquietatione annuatim percipiendas de dictis decimis prout voluerit de cetero disponendi liberam eidem facultatem concedentes Reddi inde annuatim apud Tynemutham camerario dicte domus nostre qui pro tempore fuerit duas marcas et dimidium ad unum terminum scilicet ad festum Sancti Martini vel infra octavas Et hoc sub pena centum solidorum Ad cujus pene solucionem faciendam dictus J si ex parte sua fuerit commissa jurisdictioni Archidiaconi Northumbrie qui pro tempore fuerit se specialiter subjecit ut idem Archidiaconus non obstante aliquo fori privilegio vel aliquo juris civilis vel canonici beneficio dictum J quacumque censura Ecclesiastica voluerit ad eam solvendam libere possit compellere Qua etiam pena commissa et soluta firma et stabilis nihilominus supradicta remaneat convencio Promisimus etiam ex parte nostra nos dictam conventionem bona fide et fideliter et etiam sub pena predicta servaturos et in nullo contra eam venturos renunciando in hac parte precise impetratis et impetrandis In cujus rei testimonium huic scripture in modum cyrographi composite idem hinc inde representanti signa nostra alternatim apposuimus Actum anno Domini MCCXXXVL mense Octobris die Apostolorum Simonis et Jude Valete in Domino