Charter Document - 05870006
| Charter Number: | 05870006 |
|---|---|
| Cartulary Title: | The History of the Monastery Founded at Tynemouth. Volume 2. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1085 |
| Date type: | Internal, A.D., Calendar |
| Resource Link(s): |
|
Charter:
In Nomine Patris et Filii et Spiritus Sancti Amen Ego Willielmus Dei gracia Dunelmensis Episcopus in presenti sacra synodo concedo et presentis scripti munimine episcopali auctoritate confirmo Alduno Priori ac successoribus ejus et omnibus monachis in hac Dunelmensi ecclesia Sancto Cuthberto posteris temporibus servituris in perpetuam elemosynam ecclesiam de Tinemuthe cum omnibus pertinentiis ipsius tam in terris quam in aquis vel rebus quibuslibet ceteris quam Waltheofus Comes Northumbrie eisdem monachis quondam in Gyruu conversantibus cum Morekaro puero consobrino suo prius eis dederat Cujus donationem Walcherus Episcopus predecessor noster petente et residente eodem Comite in synodo secus eum sicut sancta synodus istud testatur et novit sua eis auctoritate canonica concesserat atque confirmaverat Hanc etiam donationem eisdem monachis domini Pape auctoritate in Dunelmum translatis Comes Albrius Waltheofi successor iterum in presentia mea concessit et renovavit coram testibus multis Quisquis igitur amodo predictam ecclesiam vel aliquid de pertinenciis ipsius monachis Sancto Cuthberto servituris abstulerit mea Episcopali auctoritate et tocius synodi istius perpetuo anathemate condempnetur et cum diabolo et angelis ejus perpetuis ignibus puniendis reservetur Amen Amen Et ut hec confirmatio mea firma et rata sit in perpetuum presens scriptum manu propria signo sancte crucis imprimo et confirmo Signum Willielmi Episcopi Signum Eilavi preost de Extildesham Signum Alwoldi preost de Tinemutha Signum Ulchil preost de Seggesfeld Signum Eilavi de Bethlingtun Signum Meriuni preost de Cestre Signum Uthred preost de Alcleat signum Aldredi preost de Aclea Signum Gille clerici de Eggascliff Signum Hemming preost de Brentespethe Factum est hoc confirmationis scriptum anno ab incarnatione Domini millesimo lxxx quinto quinto kal Maii feria secunda
Source (click image below to view full size)
