Charter Document - 05870005

In Nomine Patris et Filii et Spiritus Sancti Amen Ego Waltheofus Comes Northymbrie in presencia domini Walcheri episcopi et tocius sancte synodi Episcopatus Dunelmensis multociens predicti Episcopi exortacione commonitus et zelo fidei Christiane succensus do concedo et presenti scripto confirmo Alduino Priori et fratribus cum eo apud Gyrue in Dei servicio con aggregandis tam in presenti quam in posterum regularem vitam ibidem professoris et sub Dei et beati Cuthberti patrocinio undecunque terrarum ad ipsos accersendis in puram et perpetuam elemosinam ecclesiam Sancte Marie in Tinemuthe una cum corpore Sancti Oswini Regis et Martiris qui in eadem ecclesia requiescit cum omnibus locis et terris et ceteris quibuscunque recte ad eam pertinentibus liberam et quietam in perpetuum Et cum prescripta elemosina offero puerum istum Morkarum nomine sub monachica disciplina in Dei servitio instituendum Et quia locus ille adhuc nimis videtur religiosis horridus et incultus et dominus episcopus Walcherus et nos et ceteri quique probi hujus episcopatus viri competenciorem quietis sedem circa sanctum beati Cuthberti corpus Deo annuente eis preparare proposuimus prescriptam ecclesiam cum omnibus que modo Deo et Sancte Marie et Sancto Oswino data sunt vel in posterum donanda sunt Deo et Sancto Cuthberto glorioso confessori cui fratres predicti deservituri sunt dono et concedo et scripto presenti signo sancte crucis in nomine Sancte Trinitatis confirmo Si quis vero in posterum neo et Sancto Cuthberto vel predictis fratribus nunc in Gyrue conversantibus sed postea in ecclesiam predicti Confessoris sicut constituimus transferendis eam vel aliqua ipsius pertinentia auferre subtrahere seu aliquo modo diminuere presumpserit domini Walcheri episcopi et tocius synodi hujus Dunelmensis ecclesie et mea atque omnium Christianorum auctoritate perpetuo anathemate condempnetur et cum diabolo et angelis ejus eternis ignibus in eternam crucietur Amen Amen Amen Hanc donationem ego Walcherus Dunelmensis epis+copus signo sancte crucis confirmo Signum Waltheo fi Comitis Northymbria Signum Aldredi Comitis Signum Uthredi fratris Morekari Signum Liulfi patris Morekari Signum Leofwini Decani Dunelmensis Signum Gileberti nepotis Episcopi Signum Hemmingi preost Signum Ulkilli preost Signum Meruini preost Signum Elstan preost Signum Ernen biscopes sune Signum Swartebrant preost Signum Gamel preost Signum Uthedri preost Signum Alwini militis Signum Wlstani militis Signum Walteri Signum Godredi Signum Elfridi Signum Godmanni preost Signum Kinewlfi militis