Charter Document - 05861321
| Charter Number: | 05861321 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1302 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis presentem cartam inspecturis vel audituris Henricus de Percy salutem in Domino sempiternam Noveritis nos dedisse concessisse et hac presenti carta nostra confirmasse Deo Beate Marie abbati et conventui de Melsa medietatem unius acre terre cum pertinenciis in villa de Naffreton iacentem iuxta mansum rectorie eiusdem ville ex parte occidentali et se extendit a porta cimiterii usque ad capud aquilonale dicti mansi una cum advocacione ecclesie ville predicte in escambium pro manerio dictorum abbatis et conventus de Pokelyngton habendum et tenendum predictas terram et advocacionem cum suis pertinenciis quibuscumque predictis [] abbati et conventui et successoribus suis de capitalibus dominis feodi in escambium pro pro manerio predicto in liberam puram et perpetuam elemosinam imperpetuum Et nos et heredes nostri predictas terram et advocacionem cum suis pertinenciis quibuscumque predictis abbati et conventui et successoribus suis contra omnes gentes warantizabimus acquietabimus et imperpetuum defendemus In cuius rei testimonium presenti carte sigillum nostrum apposuimus Datum apud Melsam quarto kalendas Februarii anno Domini millesimo CCC secundo Hiis testibus dominus Gerardo Salvayn Iohanne de Heslerton Iohanne de Hothom Gaufrido de Hothom militibus magistro Rogero de Naffreton [Alan de Roston] [] Petro de Thornholm Symone de Spines Adam stabulario de Skyren [] [Roberto senescallo et alia]