Charter Document - 05860308
| Charter Number: | 05860308 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1252 |
| Date type: | Internal, A.D., Feast, Regnal |
| Resource Link(s): |
|
Charter:
Noverint universi ho[c] scriptum visuri vel audituri quod ita convenit inter dominum W[alterum] archiepiscopum et Adam de Staveley ex una parte et dominum Willelmum de Forz comitem Albemarlie W[illelmum] abbatem de Melsa Iohannem cancellarium Ebor per Thomam de Kent posito loco ad lucrandum vel perdendum Aviciam priorissam de Killing et Thomam Camyn ex altera de communa pastura marisci inter Waghn Melsam et Wele scilicet quod predicti Willelmum comes et Thoma Camyn pro se et heredibus Willelmum abbas de Melsa Iohannes cancellarius Ebor Aviciam priorissa de Killyng pro se et successoribus suis remiserunt et quietam clamaverunt inperpetuum totum ius et clameum quod habuerunt vel ullo modo habere potuerunt in marisco vel pastura de Wele scilicet a calceta et Fossato quod vocatur Parkedike usque ad vetus Fossatum monachorum versus aquilonem et a prefato veteri Fossato monachorum usque ad decursum aque de Hull ita plane quod Walterum archiepiscopus et Adam de Staveley habeant quater viginti acras et decem mensuratas cum virga viginti pedum de marisco quod vocatur Stayneker scilicet a pratis de Wele versus austrum in latitudine et ab aqua de Hull usque ad predictum vetus Fossatum iuxta calcetam monachorum in longitudine quietas et solutas a predictis [] comite [] abbate priorissa cancellario Thoma Camyn et aliis participibus suis inperpetuum Et totum residium predicti marisci a dictis divisis versus austrum quietum et solutum remaneat predictis comiti [] abbati priorissa [] cancellario [et] Thoma Camyn ita quod dictus archiepiscopus vel successores eius Adam vel heredes eius nullum ius vel clameum in predicto marisco de Stayneker vel communa eiusdem marisco exigere potuerunt inperpetuum Et ad maioram securitatem dictus Walterum archiepiscopus sigillum suum pro se similiter cum sigillo capituli Ebor et Adam de Stavele sigillum suum pro se et heredibus suis ex una parte et dictus Willelmum comes Willelmum abbas de Melsa Aviciam priorissa de Killyng Iohannes cancellarius Thoma Camyn ex alia parte huic scripto sigilla sua alternatim in testimonium apposuerunt Actum anno gracie millesimo CC quinquagesimo primo et anno regni regis Henrici filii regis Iohannis tricesimo sexto die Veneris proxime post festum Purificacionis Beate Marie scilicet quinto idus Februarii