Charter Document - 05860238
| Charter Number: | 05860238 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Lay |
| Charter Type(s): | Bond |
| Date: | 1308 |
| Date type: | Internal, Calendar, A.D. |
| Resource Link(s): |
|
Charter:
Omnibus hoc scriptum visuris vel audituris ffrater Rogerus abbas de Melsa et eiusdem loci conventus salutem in Domino Cum nos unum croftum cum pertinenciis in villa de Arnall iacens ex australi parte grangie nostre in eadem per servicium duorum solidorum annuatim in festo nativitas Sancti Iohannis Baptiste solvendorum de capitulo Sancti Iohannis Beverlaci teneamus quod de licencia dicti capituli de dono Willelmi de Walcote habuimus qui dictum croftum tenuit de capitulo Beverlaci antedicto noveritis quod nos tenemur et obligamur in dicto anno redditu duorum solidorum annuatim solvendorum predicto capitulo pro ditto crofto ad terminum prescriptum imperpetuum Ad cuius redditus solucionem volumus et concedimus pro nobis et successoribus nostris imperpetuum ac eciam obligamus nos et successores nostros quod liceat dicto capitulo tam in grangia nostra de Arnal quam in crofto predicto destricciones facere et detinere donec predicto capitulo de toto annuo redditu seu eius parte supradicta fuerit plenarie satisfactum nulla reclamacione nostri vel successorum nostrorum obstante In cuius rei testimonium sigillum commune capituli nostri presenti scripto est appensum Datum apud Melsam v idus Iulii anno Domini millesimo ccc octavo