Charter Document - 05860235
| Charter Number: | 05860235 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1210 - 1220 |
| Date type: | Assigned |
| Resource Link(s): |
|
Charter:
Omnibus ad quos presentes scriptum pervenerit Henricus de Scures salutem Noverit universitas vestra me dedisse concessisse et presenti carta confirmasse Deo et Sancte Marie et monachis de Melsa in liberam et perpetuam elemosinam pro salute anime mee et antecessorum meorum et cum corpore meo ibidem sepeliendo unam bovatam terre in territorio de Riston illam scilicet bovatam que propinquior iacet bovate Sancti Iohannis ex australi parte cum illa mansura quam Willelmus Pistor tenuit cum omnibus pertinenciis intra villam et extra reddendo inde annuatim Waltero de Scures et heredibus suis quedam calcaria precio quatuor denariorum tantum infra octavas Pentecostes pro omnibus serviciis que ad eos pertinent faciendo eciam forinsecum servicium regis et comitis quod currit per totum wapentak et nichil amplius Et ad maiorem eorundem monachorum securitatem cartam Matildis de Scures quam inde habui ipsis dedi Hiis testibus Iohanne persona de Wythornewyk Willelmo fratre eius capellano Philippo capellano de Riston []