Charter Document - 05860230
| Charter Number: | 05860230 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1249 - 1269 |
| Date type: | Assigned |
| Resource Link(s): |
|
Charter:
Omnibus ad quos presens carta pervenerit Radulphus filius Stephani de Sutton salutem Noverit universitas vestra me concessisse et presenti carta confirmasse Deo et Sancte Marie et monachis de Melsa in liberam puram et perpetuam elemosinam donaciones illas quas Iohannes Poke de Sutton fecit eis scilicet unum toftum cum superedificiis suis in villa et territorio de Sutton cum tanta communa quanta pertinet ad alium quemlibet toftum in dicta villa et cum omnibus aliis pertinenciis suis infra villam et extra tam in turbariis quam in pasturis Illum videlicet toftum in quo dictus Iohannes aliquando mansit et iacet in predicta villa inter terram Petri prepositi et terram Roberti le Gray in latitudine et longitudine a via que vadit inter Sutton et Waghn et tendit usque in marram de Sutton et continet in se unum sellionem terre Et tres particatas prati in territorio dicte ville que iacent apud Bildesdayll in latitudine inter terram Roberti le Gray et terram Willelmi de Stutevill et in longitudine a loco ubi carruca vertit usque in Westcardyk Hec omnia ut predicta sunt prefatis monachis et eorum successoribus vel assignatis concessi et confirmavi et de me et heredibus meis vel assignatis quietam clamavi imperpetuum In cuius rei testimonium huic carte sigillum meum apposui Hiis testibus dominis Iohanne de Bilton Willelmo de Thorn millitibus []