Charter Document - 05860136
| Charter Number: | 05860136 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1177 - 1182 |
| Date type: | Assigned |
| Resource Link(s): |
|
Charter:
Henricus Dei gracia rex Anglie et dux Normannorum et Aquitanorum et comes Andegavorum archiepiscopis episcopis abbatibus comitibus baronibus iusticiariis vicecomitibus et omnibus ministris et fidelibus suis Anglie salutem Sciatis me concessisse et presenti carta confirmasse ecclesie Sancte Marie de Melsa et monachis ibidem Deo servientibus ea que subscripta sunt que eis Gaufridus Trussebut et eius liberi homines racionabiliter dederunt in perpetuam elemosinam scilicet ex dono ipsius Gaufridi duas acras terre et quartam partem unius acre de dominico suo infra curtem grangie eorum de Blaunchemarl et pasturam tantum CC ovibus et xvj bobus in communi pastura Wartrie Ex dono Gaufridi Dagun et heredum suorum totam terram de Herghes que appellatur Blanch pro qua monachi predicti eis reddere debent unam marcam argenti singulis annis Ex dono Willelmi filii Anschetilli quater xx acras terre in diversis locis in territorio Wartrie Ex dono Roberti filii Osmundi v acras terre in eodem territorio Quare volo et firmiter precipio quod predicta ecclesia et monachi eiusdem ecclesie habeant et teneant omnia supradicta cum omnibus pertinenciis suis in bosco et plano sicut carta Galfridi Trussebut et aliorum donatorum carte testantur Testibus Hugone Murdac comite Willelmo de Mand[evilla] et aliis