Charter Document - 05860102
| Charter Number: | 05860102 |
|---|---|
| Cartulary Title: | The Cartulary of Meaux |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1308 |
| Date type: | Assigned |
| Resource Link(s): |
|
Charter:
Universis ad quos presens carta pervenerit capitulum Beati Iohannis Beverlaci salutem in Domino Cum Willelmus de Walecote feoffare proposuerit religiosos viros abbatem et conventum de Melsa de quodam crofto in Arnehale iacente ex parte australi grangie dictorum abbatis et conventus quod quidem croftum de nobis immediate tenetur volentes feoffamento huiusmodi quantum in nobis est auctoritatem prestare concedimus pro nobis et successoribus nostris quod predicti abbas et conventus croftum predictum cum pertinenciis non obstante statuto de terris et tenementis ad manum mortuam non ponendis edito licite ingredi et sibi et successoribus suis imperpetuum absque impedimento vel calumpnia nostri vel successorum nostrorum tenere possint iuxta formam feoffamenti predicti Willelmi eis inde facti vel faciendi salvis nobis et successoribus nostris serviciis si que inde debentun In cuius rei testimonium presenti scripto sigillum nostrum apposuimus Hiis testibus dominis Waltero de Faucunberg Iohanne de Sutton Iohanne de Ruda et aliis