Charter Document - 05850045
| Charter Number: | 05850045 |
|---|---|
| Cartulary Title: | Charters of Byland Abbey relating to the Grange of Bleatarn, Westmorland |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1280 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Warinus filius Radulphi de Musegrave dedi concessi et hac presenti carta mea confirmavi Deo et beate Marie et abbati et conventui de Bellalanda ibidem Deo et sancte Marie servientibus totam terram meam quam habui in illa cultura que vocatur Stokkyng in territorio de Warcop pro salute anime mee et antecessorum meorum Habendam et tenendam predictam terram in puram et perpetuam elemosinam dictis abbati et conventui et eorum successoribus de me et heredibus meis cum omnibus pertinentiis libertatibus et aysiamentis predicte terre pertinentibus Et ego vero prenominatus Warinus et heredes mei predictam terram cum pertinentiis predictis abbati et conventui et eorum successoribus contra omnes homines et feminas warantizabimus Et in huius rei testimonium huic scripto sigillum meum apposui Hiis testibus Thoma de Helleb Iohanne de Morvyll Alano de Cabergh militibus []