Charter Document - 05850043
| Charter Number: | 05850043 |
|---|---|
| Cartulary Title: | Charters of Byland Abbey relating to the Grange of Bleatarn, Westmorland |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1159 - 1194 |
| Date type: | Assigned |
| Resource Link(s): |
|
Charter:
Hec compositio pacis facta est inter Torphinum filium Roberti et Robertum filium Petri et monachos de Beghland et Wallevum de Warcop et Robertum filium Fidis de calumpnia quam Robertus filius Petri habuit de communi pastura inter Blaternam et Musegravam quod pro pace ista remanebunt Roberto filio Petri in proprium octoginta due acre terra scilicet a spina super Hobergham intransversum del sijc subtus Maurebergha usque ad ductum versus Musegravam et a predicta spina totum remanebit monachis in proprium versus grangia et usque ad ductum juxta capellam per divisas quas fecerunt et perambulaverunt et averia Roberti nusquam et numquam infra has divisas intrabunt nec averia monachorum infra proprium Roberti Robertus etiam habebit unum exitum averiis de Musegrava super Maurebergham inter culturam monachorum et vallem subtus Hobergha a divisis quas fecerunt et perambulaverunt juxta pratum et inde habebit Robertus communem pasturam usque ad vivarium et inde usque ad viam super Cressekeldas que vadit versus Appilby et usque ad quadrariam et inde ad caput vivarii per divisas quas perambulaverunt et fecerunt Totum hoc erit in communem pasturam averiis de Musegrave et averiis monachorum sed monachi arabunt juxta fossatum molendini usque ad vivarium sicut perambulaverunt et divisas fecerunt et habebunt culturam suam super Maurebergh et pratum in proprium sicut habuerant ante istam compositionem et nichil amplius arabunt Et averie de Musegrave in his locis numquam intrabunt et Torphinus et Robertus coram comprovincialibus affidaverunt quos ipsi et heredes eorum tenebunt hanc compositionem fideliter et sine malo ingenio imperpetuum Set si contigerit quod averie de Musegrava intrent in proprium monachorum dabunt unum denarium pro xx averiis secundum consuetudinem provincie Similiter dabunt monachi si averie eorum intrent in proprium Roberti Hec compositio facta fuit in curia domini regis apud Appelby coram Willelmo filio Huel ballivo et Murdaco decano et Thoma de Hellebek et ceteris probis hominibus qui tunc fuerant ibi presentes