Charter Document - 05850024
| Charter Number: | 05850024 |
|---|---|
| Cartulary Title: | Charters of Byland Abbey relating to the Grange of Bleatarn, Westmorland |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1150 - 1200 |
| Date type: | Assigned |
| Resource Link(s): |
|
Charter:
Universis Christi fidelibus presentem cartam visuris vel audituris Thomas de Newton filius et heres Ricardi de Neuton salutem in domino sempiternam Noverit universitas vestra me dedisse concessisse confirmasse et presenti carta quieta clamasse a me et heredibus meis imperpetuum Deo et beate Marie et abbati et conventui de Bellal[anda] pro salute anime mee patris et matris et omnium antecessorum et heredum meorum totam illam carucatam terre quam Ricardus filius Ketelli dedit eis in Warcop que vocatur Ploulande cum omnibus pertinentiis suis in bosco et plano in viis et semitis in pratis pascuis et pasturis in aquis stagnis vivariis et molendinis in moris mariscis et brueriis et in omnibus aliis aisiamentis et libertatibus in omnibus rebus et locis prope et procul infra villam de Warcop et extra sine aliquo retinemento tenendam et habendam dictis abbati et conventui et successoribus suis vel eorum assignatis in liberam puram et perpetuam elemosinam solutam et quietam ab omni terreno servitio intrinseco et extrinseco exactione seculari et demanda quibuscunque que dicta terra a quocunque exigi poterunt imperpetuum Et ego Thomas et heredes mei dictam carucatam terre in Warcop que vocatur Plouland cum pertinentiis suis in omnibus sicut predictum est dicti abbati et conventui et successoribus suis vel eorum assignatis contra omnes gentes manutenebimus warantizabimus adquietabimus imperpetuum et defendemus Et ut hec mea donatio concessio et quieta clamatio perpetue firmitatis robur obtineat presentem cartam eisdem feci et tradidi sigillo meo signatam Hiis testibus dominis Ranulpho de Dakerr Thoma de Musegrave Ricardo de Crepinges []