Charter Document - 05850009
Charter Number: | 05850009 |
---|---|
Cartulary Title: | Charters of Byland Abbey relating to the Grange of Bleatarn, Westmorland |
Charter Language: | Latin |
Charter Origin: | Lay |
Charter Type(s): | Grant |
Date: | 1158 - 1200 |
Date type: | Assigned |
Resource Link(s): |
|
Charter:
Ebor[acensi] archiepiscopo et omnibus filiis sancte matris ecclesie Robertus filius Torphini salutem Notum vobis omnibus facio me dedisse et concessisse et hac mea presenti carta confirmasse deo et monachis de Bellalanda totam portionem meam terre de Faldebergh ad tenendam de me et heredibus meis libere et absolute quiete in puram et perpetuam elemosinam et liberam et quietam ab omni terreno servitio et exactione et omnibus secularibus consuetudinibus intrinsecis et extrinsecis pro anima mea et anima uxoris mee et pro anima patris mei et matris mee et pro animabus omnium parentum meorum et animabus omnium antecessorum meorum Et ego et heredes mei warantizabimus deo et predictis monachis terram prescriptam sicut prescriptum est ubique Valete Hiis testibus Murdaco decano Acca sacerdote Adam sacerdote de Morelunda Roberto capellano []