Charter Document - 05840101
| Charter Number: | 05840101 |
|---|---|
| Cartulary Title: | Early Lancashire Charters of the period from the reign of William Rufus to that of King John |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1194 |
| Date type: | Assigned |
| Resource Link(s): |
|
Charter:
Sciant omnes homines tam presentes quam futuri quod ego Theobaldus Walteri dedi et concessi et hac presenti carta mea confirmavi Rogero filio Augustini de Heton pro homagio et seruicio suo unam carucatam terre scilicet Westhusam cum omnibus suis pertinentiis et homagium et servicium Alexandri de Westhusam tenenda et habenda de me et heredibus meis sibi et heredibus suis in feodo et hereditate reddendo inde mihi et heredibus meis quatuor solidos pro omni servicio per annum scilicet ad festum sancti Johannis Baptiste xij denarios ad festum sancti Michelis xij denarios ad festum Natalis Domini xij denarios et ad Pascha xij denarios Quare volo et firmiter precipio quod predictus Rogerus et heredes sui habeant et teneant predictam carucatam terre cum omnibus ad eam pertinentibus de me et heredibus meis libere quiete bene et in pace integre et honorifice plenarie et pacifice in campis et syluis in pratis et pasturis in aquis in planis in molendinis in piscariis in turbariis in moris in boscis et pascuis in humido et sicco in viuariis in stagnis in vijs et semitis in locis cum omnibus libertatibus et liberis consuetudinibus quod ad predictam carucatam terre pertinet ita tamen quod si contingat quod ipse Rogerus vel heredes sui predictam carucatam terre anullent tam per alium quam per me vel heredes meos quod absit Ego nec heredes mei predicto Rogero nec heredibus suis escambium non dabimus Hiis testibus Domino Radulfo Abt de Risinal Huberto Bastard Benedicto Gernet Rogero de Leicestre Willelmo de Winequic Galfrido de Barton Ada de Hocton Ricardo filio Gospatrici Jordano filio Jordani Alano filio Ricardi Ada decano Willelmo filio Waltheve Radulfo de Turnot Ricardo de Walter et multis aliis
Source (click image below to view full size)
