Charter Document - 05840099
| Charter Number: | 05840099 |
|---|---|
| Cartulary Title: | Early Lancashire Charters of the period from the reign of William Rufus to that of King John |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1199 |
| Date type: | Internal, Regnal |
| Resource Link(s): |
|
Charter:
Johannes Dei gratia Rex Anglie Dominus Hibernie Dux Normannie Aquitannie et Comes Andegauie Omnibus Christi fidelibus ad quos presens carta peruenerit salutem Noueritis nos ad peticionem dilecti Clerici nostri Rannulfi Thesaurii Saresburie parsone ecclesie de Wigan dedisse et concessisse Ade Clerico de ffrekelton perpetuam vicariam ecclesie de Wigan que de donacione nostra est Ita quod idem Adam ecclesiam illam cum omnibus pertinenciis suis habeat et teneat omnibus diebus vite sue Salua ipsi Rannulfo et successoribus suis pensione unius marce annue in festo sancti Michelis percipiende Et vt hoc nulli imposterum veniat in dubium predictam vicariam predicto Ade presenti scripto et sigilli nostri apposicione confirmamus Hiis testibus Willelmo Londoniensi Episcopo Gaufrido filio Petri Comite Essex Willelmo Marescallo Comite de Penbroc Willelmo Briwer Hugone Bardulf Datum per manum Huberti Cantuariensis Archiepiscopi Cancellarii nostri apud Cantuariam duodecimo die Junii anno regni nostri primo
Source (click image below to view full size)
