Charter Document - 05840049
| Charter Number: | 05840049 |
|---|---|
| Cartulary Title: | Early Lancashire Charters of the period from the reign of William Rufus to that of King John |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1194 |
| Date type: | Assigned |
| Resource Link(s): |
|
Charter:
Omnibus sancte Matris ecclesie filiis ad quos presens scriptum peruenerit Guillelmus Marescallus salutem Nouerit vniuersitas vestra quod ego ad dilatandum sacre religionis cultum dedi et concessi Totam terram meam de Kertmel Cum omnibus pertinenciis suis in liberam et puram et perpetuam elemosinam Deo at sanctissime eius Genitrici Marie et Canonicis ibidem Deo seruientibus pro anima domini Regis Henrici secundi et pro anima Regis Henrici iunioris domini mei et pro anima Regis Ricardi et pro anima mea et anima vxoris mee Ysabel et pro animabus antecessorum et successorum et heredum nostrorum Dedi eciam eis et pari deuocionis affectu concessi eiusdem terre Ecclesiam cum vniuersis Capellis suis et cum omnibus aduocacionibus suis et cum omnibus Rebus ad eas pertinentibus Quare volo et firmiter precipio quod prefati Canonici habeant et teneant predictam terram totam de Kertmel in perpetuum liberam et quietam Cum omnibus pertinenciis suis in ecclesiis et Capellis in bosco et plano in siluis et venacionibus in viis et semitis In pratis et pascuis in Mari et in omnibus aquis et molendinis in herbagiis et piscariis in salinis et fabricis in Minariis ferreis Et in omnibus aliis Rebus et locis cum omnibus libertatibus et liberis consuetudinibus suis libere et quiete integre et honorifice Preterea volo et Constituo quod predicta domus et Canonici ibidem Deo seruientes liberi sint et immunes ab omni subiectione alterius domus et quod nulli domui in aliquo nomine subiectionis respondeant Obeunte uero Priore predicti loci de Kertmel Canonici duos Canonicos eligant et michi Willelmo Marescallo eorum patrono vel heredibus meis representent vt ille quem communis assensus noster elegerit Prior efficiatur Ita quod quicumque ibi prior statuatur Nomen et officium tantum Prioris habeat in perpetuum Ita quod de prioratu illo numquam fiat abbacia Hanc autem domum predictam fundani ad sacre Religionis augmentum Donans ei et concedens Qui[c]quid libertatis Os loqui potest et cor hominis Cogitare Quicumque igitur iam dicte domui sine Rebus suis decrementum aut detrimentum intulerit Dei maledictionem et beatissime virginis Marie et Omnium sanctorum Dei et meam incurrat Vt autem hec donacio mea a presentibus Rata et a posteris inconcussa permaneat sigilli mei Impressione presens scriptum Communiui Hiis testibus Comite Willelmo Saresbirie Johanne domini Regis Marescallo fratre meo Galfrido filio Petri Roberto de Berkelai Galfrido filio Roberti Ricardo de Mucegros Rudulfo Bloet Philippo de Prendelgast Johanne de Erlega Willelmo de sancto Leodegaro Nicolao Auenel Ricardo de Stutecumb Willelmo Waleranno Philippe de Sar[esburia] Rogero Capellano Jocelino clerico Michele clerico Pentecosto clerico et multis aliis
Source (click image below to view full size)
