Charter Document - 05840035
| Charter Number: | 05840035 |
|---|---|
| Cartulary Title: | Early Lancashire Charters of the period from the reign of William Rufus to that of King John |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1140 - 1149 |
| Date type: | Assigned |
| Resource Link(s): |
|
Charter:
Hec est conuentio quam Warinus Bussel cum consensu uxoris sue et liberorum coram domino Roberto Abbate et omni conuentu de Euesham in pleno capitulo fecit Hoc est quod conuentiones primas concedit et firmat scilicet dationem legitime concessam de ecclesia de Penuertham et de Leilande et de Moles cum rebus et beneficiis ad eas pertinentibus et concessis et de tota uilla de Farinton et insuper pro salute anime sue et pro animabus uxoris filiorumque eius et pro amore Domini Roberti Abbatis totiusque conuentus concedit ad incrementum carucatam et dimidiam in uilla que Meretun dicitur cum medietate omnis substantie quam Warinus ibi possidet scilicet iiij uaccas et iiij boues et lx oues et alterum manipulum et corpus suum post mortem cum parte sua ea conuentione ut tres fratres cum uno capellano inibi Deo seruiant et primo anno x solidos et sequentibus annis semper ij Marcas argenti in caritatem Domino Abbati et fratribus suis tribuant qui pro amore Warinum filium ipsius si uelit ad monachatum recipiant Hanc conuentionem dominus Warinus ita confirmauit et eam super altare posuit solam et quietam ab omni exactione et inquietudine quantum ad se et ad liberos suos pertinet Ex parte Abbatis Ranulfus clericus Constantinus camerarius Abbatis et Bernardus cocus Ex parte Warini Walterus miles suus et nepos eius filius Acardi Willelmus
Source (click image below to view full size)
