Charter Document - 05840023

Stephanus Rex Anglorum archiepiscopis episcopis abbatibus comitibus vicecomitibus baronibus et omnibus fidelibus suis tocius Anglie salutem Sciatis quod concessi Deo et ecclesie sancte marie de ff[urnesio] et Abbati et Monachis ecclesie eiusdem in ea Deo seruientibus in perpetuam elemosinam pro anima domini Henrici Regis et auunculi [mei] et patrum et antecessorum meorum et pro remissione pecatorum meorum et vxoris et prolis mee et fratrum meorum et pro stabilitate regni mei omnia ista subscripta que eidem ecclesie dederam dum Comes Moretonii eram scilicet totam forestam meam de ff[urnesio] cum omni venatione que in ea est et Daltonam et totum dominicum meum infra ff[urnesium] cum hominibus et omnibus ei pertinentibus in bosco in plano in terra et in aquis et Oluestonam et Rogerum Brist[oldum] cum suis et de eis socum et sacum et toll et tem et infangenetheof et quicquid infra ff[urnesium] continetur preter terram Michaelis fflamengi eo tamen tenore interposito ut in loco illo per dispositionem Abbatis presentis ordo Monasticus et regularis Deo succurrente teneatur Concessu quoque meo et voluntate dedit eis Willelmus de Lancastria villam de Mulcaster que est de feodo meo solutam et quietam ab omni seruitio cum omnibus que ei pertinent Hanc itaque donationem et concessionem meam factam Deo et ecclesie illi Regia auctoritate confirmo et inuiolate integreque mansuram usque in sempiternum a Deo michi concessa potestate corroboro Et quicquid presentium vel futurorum deuocio fidelium ipsis in Christo contulerit firmum manere statuo et compono Testibus T[hurstino] archiepiscopo Eboracensi et H[enrico] episcopo Wintoniensi et Aud[oino] episcopo Ebroicensi et B[ernardo] episcopo Sancti David et R[ogero] cancellario et R[oberto] comite Gloecestrensi et W[illelmo] comite Warenne et R[oberto] de Ver et Willelmo Martel et Roberto filio Ricardi et Roberto de Brus Apud Exoniam anno incarnationis dominice MCXXXVI regni vero mei primo in obsidione