Charter Document - 05830017

Omnibus hoc scriptum visuris uel audituris Willelmus de Valoniis filius et heres quondam domini Willelmi de Valoniis militis domini de Dalgingh in Fiffe eternam in Domino salutem Nouerit universitas vestra me dedisse concessisse et hac presenti carta mea confirmasse Johanni de Ledale filio et heredi quondam Thome de Ledale totas terras meas de Panlathy Balbany et Petcouray Quas quidem terras dictus Thomas de Ledale pater dicti Johannis de dicto domino Willelmo patre meo tenuit hereditarie Tenendas et habendas dicto Johanni de Ledale et heredibus suis uel assignatis seu assignatorum heredibus de me et heredibus meis in feodo et hereditate libere quiete plenaria pacifice et honorifice in pratis et pascuis in moris et mariscis in viis et semitis in stagnis et molendinis in petariis boscis planis et bracinis atque in omnibus aliis aysiamentis ad dictas terras spectantibus seu impostorum aliquo tempore de iure spectare valentibus Faciendo inde forinsecum seruicium Scoticarum domini regis quantum pertinet ad dictas terras et faciendo sectam ad curiam domini comitis de Angouss pro eisdem terris Reddendo inde dictus Johannes et heredes sui uel assignati seu assignatorum heredes michi et heredibus meis ad capitale dominium de Panlathy duos denarios sterlingorum nomine feodo firme annuatim scilicet vnum denarium ad festum Pentecostes et vnum denarium ad festum Sancti Martini in hyeme pro omni consuetudine exaccione opere seruili et seculari demanda Ego vero dictus Willelmus et heredes mei predictas terras dicto Johanni et heredibus suis uel assignatis seu assignatorum heredibus contra omnes homines et feminas inperpetuum warantizabimus acquietabimus et defendemus In cuius rei testimonium presens scriptum sigilli mei munimine roboraui hiis testibus domino Henrico tunc abbate de Abbirbroth domino Andrea tunc abbate de Cupro domino David de Betvn domino Roberto de Betvn domino Adam de Rettress militibus Henrico de Downy Laurencio Clerico Johanne Ruffo burgensibus de Dunde et multis alijs Quam quidem cartam idem Nicholayus peciit et requesiuit per me notarium publicum infrascriptum transcribi et copiari ac signo meo muniri Acta fuerunt hec apud Dunde in semitarii Sancti clementis versus orientem hora diei quasi vndecima Presentibus David de Anand scutifero Ade Clerico et Andrea Ade burgensibus de Dunde et multis aliis ad hoc specialiter vocatis et rogatis in testimonium omnium premissorum anno die mense indiccione loco et pontificatu quibus supra