Charter Document - 05830016
| Charter Number: | 05830016 |
|---|---|
| Cartulary Title: | Miscellaneous Monastic Charters, 1165 - 1399 [Scotland] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 - 1306 |
| Date type: | Assigned |
| Resource Link(s): |
People of Medieval Scotland |
Charter:
Omnibus hanc cartam visuris vel audituris Jacobus Senescallus Scocie salutem in domino sempiternam Sciatis nos dedisse concessisse et hac presenti carta nostra confirmasse Stephano filio Nicholai burgensi de Reynfru pro homagio et seruitio suo totam terram illam que quondam fuit Patricii de Seluinisland que terra jacet inter burgum de Reynfru et le nese del Ren vbi aqua de Grife descendit in aquam de Clide cum omnibus rectis diuisis et iustis pertinentiis suis actenus visitatis et in futuris de iure visitandis quam quidem terram Adam quondam filius eiusdem Patricii nobis in plena curia baronie nostre de Reynfru per fustum et baculum sursum reddidit et penitus resignauit Tenendam et habendam eidem Stephano et heredibus suis de nobis et heredibus nostris in feodo et hereditate libere et quiete pacifice et honorifice bene et in pace in boscis et planis in aquis et stagnis in molendinis et multuris in pratis et pascuis in viis et semitis in piscariis et aucupacionibus et venacionibus et in omnibus aliis commoditatibus libertatibus et aysiamentis tam non nominatis quam nominatis ad dictam terram spectantibus sen quocunque modo de jure spectare valentibus Reddendo inde dictus Stephanus et heredes sui nobis et heredibus nostris quolibet anno duodecim denarios argenti nomine feodifirme apud manerium nostrum de Reynfru ad duos anni terminos videlicet sex denarios ad festum Pentecostes et sex denarios ad festum Beati Martini in hyeme sine multura et sine warda et releuio et sine secta curie pro omnibus aliis seruiciis exactionibus secularibus vel demandis nihil aliud inde reddendo vel faciendo Nos vero Jacobus Senescallus Scocie et heredes nostri totam predictam terram cum omnibus iustis pertinentiis suis commoditatibus libertatibus et aysiamentis et rectis diuisis in omnibus vt predictum est predicto Stephano et heredibus suis contra omnes homines et feminas presentes et futures warantizabimus acquietabimus et defendemus imperpetuum In cuius rei testimonium presentem cartam nostram in possessione sigilli nostri roborauimus Hiis testibus dominis Thoma Randalf Roberto Boyde Willielmo Fleming de Baruchan Finlao de Huwistoun militibus Gilberto de Coningsburgh patre Gillisio del Estwod Roberto Simpil tunc senescallo baronie de Reynfru Rogero Wythirspon clerico et multis aliis
Source (click image below to view full size)
