Charter Document - 05830014
| Charter Number: | 05830014 |
|---|---|
| Cartulary Title: | Miscellaneous Monastic Charters, 1165 - 1399 [Scotland] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1242 - 1249 |
| Date type: | Assigned |
| Resource Link(s): |
People of Medieval Scotland |
Charter:
Omnibus hanc cartam visuris vel audituris Walterus de Lundyn salutem Sciant tam presentes quam futuri me dedisse concessisse et hac carta mea confirmasse Philippo de Feodarg cognato meo pro homagio et seruicio suo terram de Balcormoch per rectas divisas suas et cum omnibus iustis pertinenciis suis exceptis quatuor bouatis terre quas canonici de Cambyskynel in ea habent Tenendam et habendam sibi et heredibus suis de me et heredibus meis in feodo et hereditate in bosco et plano in pratis et pascuis in viis et semitis in moris et marresiis in stagnis et molendinis et in omnibus aliis aisiamentis et libertatibus iuste ad dictam terram pertinentibus ita libere et quiete plenarie et honorifice sicut aliquis liber homo aliquam terram ab aliquo comite vel barone in regno Scocie liberius et quiecius plenius et honorificencius tenet et possidet Faciendo ipse et heredes sui forinsecum seruicium domini regis quantum pertinet ad tantam terram pro omnibus seruiciis consuetudinibus demandis et exaccionibus secularibus liberis sectis curie in perpetuum posse pertinentibus Ego vero Walterus et heredes mei predicto Philippo et heredibus suis predictam terram de Balcormoch cum omnibus iustis pertinenciis suis et libertatibus sicut predictum est contra omnes homines et feminas in perpetuum warantizabimus Hiis testibus domino Alexandro Cumyn comite de Buchan domino Willelmo de Brechyn domino Willelmo Cumyn persona domino Philippo de Maleuile domino Sibaldo milite domino Simone de Garentuyle domino Hugone Gray Hugone Scott Jacobo de Ouen Umfredo de Mideltun Hugone Blund David filio Margarete Alano de Denham et aliis
Source (click image below to view full size)
