Charter Document - 05830012
| Charter Number: | 05830012 |
|---|---|
| Cartulary Title: | Miscellaneous Monastic Charters, 1165 - 1399 [Scotland] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1235 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus hominibus tam presentibus quam futuris has literas visuris vel audituris Morgundus filius Abbe salutem Noueritis me dedisse et concessisse et hac presenti carta mea confirmasse Michaeli filio meo unam dauocam terre mee de Carrecros per omnes rectas divisas suas inter Tarfe et Turruchd Tenendam et habendam sibi et heredibus suis de me et heredibus meis in feodo et hereditate libere quiete et plenarie integre et honorifice in bosco et plano in pratis et pascuis in moris et mariseis in stagnis et molendinis in aquis ripis et viuariis in viis et semitis et in omnibus aliis asyamentis et libertatibus predicte terre pertinentibus adeo libere et quiete sicut aliquis liber homo infra regnum Scotie liberius plenius et quietius terram suam dare poterit filio suo Reddendo inde annuatim michi et heredibus meis ille et heredes sui unum par calcariorum ferri ad Pentecostim pro omni servicio et consuetudine et aexactione seculari preter forinsecum domini regis seruicium Hiis testibus domino G episcopo Brechinensi magistro Laurencio archidiacono Sancti Andree domino Alano Hostiario domino David de Hastinges domino Johanne de Vallibus domino Johanne Cambrun domino Rogero de Lorenger domino Hugoni Flandres magistro Guidone fratre domini Laurencii archidiaconi Sancti Andree Gregorio de Maleuill Johanne Clugestoun Villelmo de Sandfor clerico et multis aliis
Source (click image below to view full size)
