Charter Document - 05830011

Omnibus hominibus presentibus et futuris has litteras visuris uel audituris Johannes de Kinros filius Heruici de Kinros salutem Sciatis me dedisse et concessisse et hac presenti carta mea confirmasse Allexandro de Oggoluin cum Dionisia filia mea in liberum maritagium totam terram de Belauht Clunoc et de Hauht Nahauele Tenendam et habendam sibi et heredibus suis quos habebit de predicta Dionisia filia mea de me et heredibus meis per rectas diuisas suas et cum omnibus iustis pertinenciis suis libere et quiete integre et honorifice in bosco et plano in pratis et pascuis in pasturis in moris et marisiis in uiis et semitis in exsitibus in aquis et stagnis in molendinis et in omnibus aliis aysiamentis predicte terre iuste pertinentibus ita libere et quiete integre et honorifice sicut aliquis miles in tota terra Scocie aliquam terram liberius et quietius potest dare in liberum maritagium et cum tempus aduenerit quod predicta terra exiet de iure de libero maritagio concessi sibi et heredibus suis quos habebit de predicta Dionisia filia mea de me et heredibus meis tenere predictam terram ita libere et quiete sicut ego predictam terram de domino rege teneo et possideo Ego uero et heredes mei warantizabimus sibi et heredibus suis quos habebit de predicta Dionisia filia mea predictam terram cum omnibus iustis pertinenciis suis et cum rectis diuisis predicte terre contra omnes homines inperpetuum uiuentes hiis testibus domino Malcolmo persona de Luntrethin domino Duncano persona de Kinros domino Hugone persona de Essi Johanne filio Johannis de Kinros Magno filio comitis de Catenesse domino Andrea capellano Grigorio filio persone Wilelmo clerico Wilelmo filio Anegus de Neucubir et multis aliis