Charter Document - 05820004
| Charter Number: | 05820004 |
|---|---|
| Cartulary Title: | Early Buckinghamshire Charters |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Assigned |
| Resource Link(s): |
|
Charter:
Omnibus ad quorum noticiam presens scriptum peruenerit Ricardus miseracione diuina abbas de Nuthelea et eiusdem loci conuentus humilis salutem in domino sempiternam Nouerit vniuersitas vestra nos unanimi assensu capituli nostri dedisse concessisse et hac presenti carta nostra confirmasse Johanni de Grenuile filio Willelmi de Grenuile pro homagio et seruicio suo vnum mesuagium in villa de Chiltone quod quidem mesuagium Lucia de Wendlebury aliquando de nobis tenuit cum omnibus pertinenciis suis excepta terra in campis de Chiltone que quondam pertinebat ad dictum mesuagium et excepto mesuagio iuxta dictum mesuagium ex parte occidentali quod Margareta relicta Willelmi filii Johannis aliquando de nobis tenuit Habendum et tenendum de nobis et successoribus nostris sibi et heredibus suis siue assignatis libere quiete et honorifice jure hereditario inperpetuum Reddendo inde annuatim nobis et successoribus nostris ipse et heredes sui siue assignati quatuor solidos sterlingorum ad duos anni terminos uidelicet infra quindenam festi Sancti Michaelis duos solidos et infra quindenam festi Annunciacionis Beate Marie in Martio duos solidos pro omnibus seruiciis consuetudinibus exactionibus curiarum sectis et pro omnibus aliis demandis que de aliquo tenemento exigi poterunt Nos uero et successores nostri dicto Johanni et heredibus suis siue assignatis dictum mesuagium cum omnibus pertinenciis suis prout predictum est contra omnes gentes warantizabimus acquietabimus et defendemus inperpetuum Pro hac autem donacione concessione et presentis carte nostre confirmacione dedit nobis dictus Johannes vnam marcam argenti pre manibus in gersumam Et ut hec nostra donacio concessio et presentis carte nostre confirmatio inperpetuum perseueret hanc presentem cartam nostram sigillorum nostrorum inpressione munitam eidem Johanni contulimus Hiis testibus domino Thoma de Valoines Johanne filio Nygelli de Borstalle Waltero de Burgo Thoma de Sancto Andrea Waltero milite Waltero de Bilendone Nycholao de Luci Adam filio Petri Galfrido de Crauene Willelmo Goly Willelmo de Boketot Henrico de Grenuile et Aliis
Source (click image below to view full size)
