Charter Document - 05820003
| Charter Number: | 05820003 |
|---|---|
| Cartulary Title: | Early Buckinghamshire Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alyenora quondam uxor Galfridi de Lucy de Crendon in mea viduitate et in ligia potestate mea dedi concessi et hac presenti carta mea confirmaui Henrico de Lucy filio meo pro seruicio suo totam illam virgatam terre quam dominus Hamo de Sancta Fide pater meus vna mecum dedit Galfrido de Lucy quondam viro meo in liberum maritagium in villa de Chilton illam scilicet quam Nycholaus Maf aliquando tenuit quam concessi Waltero de Wendlebury et Alicye vxori sue tenendam ad totam vitam illorum pro redditu contento in cyrographis inter nos inde confectis cum omnibus pertinenciis suis Tenendam et habendam totam dictam virgatam terre cum omnibus ubique pertinenciis suis et cum omnibus redditibus de predicto tenemento pertinentibus per annum de me et heredibus meis et meis assignatis sibi et heredibus suis siue assignatis suis uel cuicumque et quibuscumque dare vendere assignare inpingnorare seu in ultima uoluntate legare uoluerit libere et quiete bene et in pace jure hereditario Reddendo inde annuatim michi et heredibus meis siue assignatis meis ipse et heredes sui siue eius assignati vnum denarium in die Penthecoste pro omnibus demandis consuetudinibus et secularibus seruiciis ad me et heredes meos pertinentibus Et ego predicta Alyenora et heredes mei siue assignati mei totam predictam virgatam terre cum omnibus ubique pertinenciis suis predicto Henrico et heredibus suis siue assignatis suis contra omnes homines et feminas de omnimodis demandis consuetudinibus et secularibus seruiciis curiarum sectis pro predicto redditu warantizabimus defendemus et inperpetuum aquietabimus Et quia uolo quod hec mea donacio concessio warantizacio defencio et aquietancia et presentis carte mee confirmacio futuris temporibus robur firmitatis optineat et inperpetuum inconcussa permaneat hanc presentem cartam meam inpressione sigilli mei dignam duxi roborandam Hiis testibus Galfrido de Sancto Martino Thoma de Sancto Andrea Willelmo Boketot Waltero le cheualer Henrico de Grenuyle Galfrido de Crauene Roberto Reuel Ada filio Petri Johanne le Husser Willelmo filio Baldeyn Johanne Mosson Willelmo Koco de Chiltone Johanne Seuyn et multis aliis
Source (click image below to view full size)
