Charter Document - 05820001
| Charter Number: | 05820001 |
|---|---|
| Cartulary Title: | Early Buckinghamshire Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1210 - 1220 |
| Date type: | Assigned |
| Resource Link(s): |
|
Charter:
Sciant presentes et futuri quod ego Gerardus de Greinvile dedi et concessi et hac presenti carta mea confirmaui Willelmo de Greinville filio meo annuatim quinque solidorum redditus in uilla de Chiltone que Hugo le Quy michi reddidit cum omnibus liberis seruitiis et liberis consuetudinibus quod predictus Hugo fecit michi et antecessoribus meis cum predicto redditu videlicet duos solidos et vj denarios ad festum Sancti Michaelis et ij solidos et vj denarios ad festum Sancte Marie in Marcio Tenen et habend de me libere et quiete pro omnibus seruiciis et secularibus demandis in perpetuum Predictus uero Willelmus potest predictum redditum cum predicto libero seruicio dare vendere inuadiare vel assignare cuicumque uoluerit et nullus filius nec filia de me procreata prenatus nec postnata predicti Willelmi post decessum meum in predictum redditum et liberum seruitium hereditare nichil exigere vel clamare poterint Pro hac autem mea donatione et concessione et presentis carte mee confirmatione dedit michi predictus Willelmus de Greinville iiij marcas esterlingorum in gersima Et ego predictus Gerrardus de Greuille warantizabo predicto Willelmo totum predictum redditum cum predicto libero seruicio contra omnes homines et feminas Et ut hec mea donatio et concessio et presentis carte mee confirmacio firma sit et stabilis et incussa in perpetuum permaneat hanc cartam sigilli mei impressione roboraui Hiis testibus Hamone de Sancta Fide H de Sancto Andrea Thoma de Boketot H Bernar Ada filio Petri Elya anglico Galfrido de Luci Et multis aliis
Source (click image below to view full size)
