Charter Document - 05811129

In Dei nomine Amen Coram vobis domine Judex dicit et in jure proponit procurator Religiosorum virorum Prioris et monachorum ecclesie beate Marie Lancastrie Rectoris ecclesie predicte contra Dominum Jacobum de Fayreford Rectorem ecclesie de Preston in Amundernesse et contra quemlibet legitime comparentem in judicio pro eodem quod cum omnes et omnimode decime tam majores quam minores et de nutrimentis animalium omnium ubicunque in forestis de Mirescogh Fulwode et eciam in parco de Hyde qualitercunque et quandocunque provenientes ac de dominicis Domini Comitis Lancastrie in locis omnibus predictis existentibus ad dictos Religiosos dominos suos et ecclesiam suam predictam pertineant et pertinuerunt ab antiquo a tempore et per tempus cujus contrarii memoria non existit ac dicti Religiosi domini sui nomine ecclesie sue predicte fuerunt in plena pacifica canonica et sufficienti possessione vel quasi jure percipiendi recipiendi et in solidum habendi et in versus proprios nomine ecclesie sue pre dicte convertendi omnes et omnimodas decimas predictas per omnia tempora predicta dominus tamen Jacobus predictus dictas decimas prouenientes per tres annos novissime preteritos dicte forestis de Fulwode et de parco de Hyde et dominicis predictis in eisdem locis decimas de agistamentis pannagiis escapturis et de venacione dum taxat exceptis contra justiciam invasit occupavit et occupavit et sic dictos dominos suos et ecclesiam suam predictam de eisdem decimis spoliavit spoliare mandavit seu spoliacionem hujusmodi nomine suo factam ratam habuit parita et acceptam Que sunt publica notoria et manifesta et super eisdem laborat publica vox et fama in partibus Lancastrie et Preston et locis evicinis Quare probat[is] in hac parte de jure proband[is] seu aliqua via jure declaratis petit procurator predictus nomine procuratorio decimas omnes et omnimodas predictas de dictis locis provenientes ad dictos Religiosos dominos suos et ecclesiam suam predictam pertinere debere per vos domine judex declarari et pronunciari ac dominos suos dicte ecclesie sue nomine et ecclesiam suam predictam ad possessionem suam dictarum decimarum ut premittitur invasa tarum occupatarum et asportatarum et se eorundem nomine restituend[e] fore discerni ad pristinum statum percipiendi decimas predictas cum effectu restitui et dictum dominum Jacobum ad restitucionem dictarum decimarum compelli et in premissis et ea contingentibus fieri in omnibus justicie complementum Hec dicit ponit et petit procurator predictus confirmetim et divisim non artans dictos dominos suos nec se eorum nomine ad omnia et singula premissa probanda sed quatenus probaverit in premissis catenus obtineat jure beneficio semper salvo lite ad eundem legitime contestata juramento a partibus prefato secendum ipsius causa qualitatem et naturam traditis positionibus et secutis responsionibus ad easdem productis hinc inde testibus juratis examinatis et eorum dictis publicatis ac jure ordine in omnibus observato qua invenimus dictos Religiosos intentionem suam in prefato libello judiciali deductam non obstantibus ex alia parte propositis sufficienter et legitime probavisse prefatas decimas de quibus in libello eorundem fit mencio provenientes in foresta de Fulhvode et in parco de Hyde et de dominicis Domini Comitis Lancastre in locis predictis ad prefatos religiosos nomine ecclesie beate Marie Lancastre et ecclesiam ipsam pertinere et pertinere debere pronunciamus et declaramus ac ipsos ad possessionem suam percipiendi decimas predictas restituimus et eis statum debitum et pristinum quo ad participacionem eorundem in omnibus reformamus finaliter et diffinitive in hiis scriptis