Charter Document - 05811128

In Dei nomine Amen Coram vobis domine judex dicit et in jure proponit procurator Religiosorum virorum Prioris et monachorum parochie ecclesie beate Marie de Lancastre nomine procuratoris pro eisdem et ecclesie sua predicta contra Dominum Willelmum de Baldreston Rectorem ecclesie beati Michaelis super Wyre et contra quemlibet legitime intervenientem in judicio pro eodem quod cum omnes et omnimodas decime tam majores quam minores de foresta et de dominicis Domini Regis de Mirescogh et de loco qui dicitur Migelhalgh qualitercunque et quandocunque provenientis ad dictos Religiosos dominos suos et ecclesiam suam predictam pertineant et pertinuerunt ab antiquo videlicet a tempore et per tempus cujus contrarii memoria non existitit dictique domini sui nomine ecclesie sue predicte fuissent in plena pacifica canonica et sufficienti possessione vel quasi jure percipiendi recipiendi et in solidum habendi ac in usus suos proprios nomine ecclesie sue predicte convertendi omnimodas et omnes et singulas decimas supradictas per omnia et singula tempora supradicta Dominus Willelmus predictus decimas omnimodas et omnes bladorum provenientes de predicto loco de Mygehalgh per quinque annos ultra preteritos invasit occupavit et asportavit minus juste et dictos dominos suos et ecclesiam suam predictam de eisdem decimis spoliavit et spoliare mandavit et fecit seu spoliacionem hujusmodi nomine suo factam ratam habuit pariter et acceptam que sunt publica notoria et manifesta et super hiis laborat publica vox et fama in partibus de Lancastre et dicte ecclesie beati Michaelis super Wyre et locis e vicinis Quare petit procurator predictus nomine procuratoris supradicti probatis in hac casu proband[is] seu quavis via jure declaratis omnes decimas bladorum de locis predictis provenientes ad dictos Religiosos dominos suos et ecclesiam suam predictam pertinere debere per vos domine judex sententialiter et diffinitive pronunciari et declarari ac dictos dominos suos dicte ecclesie sue nomine et ecclesiam suam predictam ad possessionem suam prefatam restituendam fore et cum effectu restitui et eam cum ea integritate qua convenit sibi reformari et redintegrari et sibi fieri secundum qualitatem premissorum in omnibus justicie complementum Hec dicit proponit et petit procurator predictus conjunctim et divisim non artans dictos dominos suos nec se eorum nomine ad omnia et singula premissa quantum probanda set divisim eatenus optineat jure beneficio semper salvo lite ad eandem legitime contestata juramento a partibus prestito secundum ipsius cause qualitatem et naturam traditis posicionibus et secutis responcionibus ad easdem productis testibus juratis examinatis et eorum dictis publicatis exhibitisque quibusdam instrumentis ad dicte partis actricis intencionem instruendum plenius et probandum ac jure ordine in omnibus observato Quia invenimus dictos Religiosos intencionem suam in prefato libello judiciali deduct[o] sufficienter et legitime probavisse prefatas decimas bladorum de quibus in dicto libello eorundem fit mencio prouenientes in forestis et dominicis domini Regis de Mireschowgh et de loco qui dicitur Migehalgh in locis predictis ad prefatos Religiosos nomine ecclesie beate Marie Lancastrie et ecclesiam ipsam pertinere debere pronunciamus et declaramus et ipsos ad possessionem suam percipiendum decimas predictas restituimus et eis statum debitum et pristinum quo ad percepcionem earundem in omnibus reformamus sententialiter et diffinitive in hiis scriptis Quam quidem summam impressione sigilli nostri fecimus communiri in testimonium premissorum