Charter Document - 05810157

Ordinaunce foit par mon Syre Robert de Hongerford chief counsiller sire Henri Counte de Lancastre le mekyrdie en la feste de Seint Luke Ian du notre Seigneor mille ccc trent et cink et del regne le Roy Edward tierze puis le conquest Noefissime accorde est que le Prioure de Lancastre sen suffert denclore sez severals bous et pasturez de fosse ou de hay solonc le assise de la forest pur son profite sil vint que soit affeare Et si lez bestez agistes en la forest le sieur entrent le several ledit priour pur defaute denclosture soient rechacez et jadumeyns si les lez bestes le dit Priour entrent le several le sieur soient amerciez solonc la quantite del trespas Item soit le dit Priour suffert de prendre chescun joure deux charettes de mort bois abatu a terre assigne per forester ameyndre damage le sieur saunz estre distourbe en mois defendu issint que lez charetters content mez solonc l'assise del forest