Charter Document - 05810155
| Charter Number: | 05810155 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Royal |
| Charter Type(s): | Grant, Privilege |
| Date: | 1199 |
| Date type: | Internal, Regnal |
| Resource Link(s): |
Reference Document for this Embedded Document |
Charter:
Johannes Dei gratia Rex Anglie Dominus Hibernie Dux Normannie Acquitanie Comes Andegavie Archiepiscopis Episcopis Abbatibus Comitibus Baronibus Justiciariis Vicecomitibus Senescallis prepositis et omnibus Ballivis et fidelibus suis salutem Sciatis nos concessisse et hac nostra carta confirmasse omnibus militibus et omnibus phengis et omnibus libere tenentibus qui manent in foresta nostra de honore de Lancastre quod possint nemora sua propria essartare et vendere et dare et in eis herbagiare pro voluntate sua sicut in feodo suo et de eis suas voluntates facere absque omni calumpnia nostri vel heredum nostrorum vel Ballivorum nostrorum Concessimus eciam eis quietanc[iam] rewardi de foresta Preterea concessimus eis canes suos et venatum leporis et vulpis et omnium aliarum bestiarum preterquam cervi et cerve et porci silvestris et laie et capriole per totam predictam forestam nostram extra dominicas haias nostras Quare volumus et firmiter precipimus quod omnes predicti milites et phengi et liberi tenentes et heredes sui post ipsos omnes predictas libertates habeant de nobis et heredibus nostris bene et in pace Et prohibemus ne quis Ballivorum nostrorum vel aliquis alius eos inde disturbet sicut eis concessimus et rationabili carta nostra confirmavimus dum Comes Moreton[ie] essemus Teste G Eboracensi archiepiscopo H Sarum R Sancti Andree episcopis Roberto Comite de Leycestre Johanne de Pratellis Roberto de Grely Rogero de Saszet Gilberto filio Ramfr Garino de Clapum Willelmo de Cantilupo Petro de Estobers Dat per manus Simonis Welbun archidiacono et Johannes de Grey apud Cenom ix die Octobris anno regni nostri primo
Source (click image below to view full size)
