Charter Document - 05810152
| Charter Number: | 05810152 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Royal |
| Charter Type(s): | Writ, Order |
| Date: | 1322 |
| Date type: | Internal, Regnal |
| Resource Link(s): |
|
Charter:
Edwardus Rex [] dilecto sibi Johanni Travers custodi castrorum terrarum et tenementorum que fuerunt Thome Comitis Lancastrie et aliorum inimicorum et Rebellium nostrorum in comitatu Lancastrie necnon et aliorum in manu nostra per foresfactum eorundem existentium salutem Sua nobis peticione coram nobis et consilio nostro exhibita monstravit dilectus nobis in Christo Prior de Lancastre quod cum Nicholaus de Lee unum mesuagium cum pertinentiis in Lancastre de prefato Priore per servicium duorum solidorum per annum dudum tenuisset dictumque messuagium cum pertinentiis ad manus ipsius Comitis ex adquisicione postmodum devenisset et licet idem Prior et predecessores sui Priores loci illius predictum redditum duorum solidorum per manus ipsius Comitis quam aliorum tenencium ipsius mesuagii plenarie perceperunt et inde usque ad mortem ejusdem Comitis seisiti fuerunt vos nichilominus redditum illum a tempore capcionis ejusdem messuagii per foresfactum dicti Comitis in manum nostram eidem Priori solvere distulistis in ipsius Prioris dispendium non modicum et gravamen et ecclesie sui Prioratus predicti exheredacionis periculum manifestum super quo sibi nobis petiit de remedio previderi Nos ut eidem Priori in premissis superfaciamus quod est justum volentes certiorari si prefatus Nicholaus dictum messuagium de ipso Priore per dictum servicium duorum solidorum per annum tenuisset et predictum mesuagium ad manus ipsius Comitis ex adquisicione postea devenisset et si idem Prior et predecessores sui predicti predictum redditum tam per manus ipsius Comitis quam aliorum tenencium messuagii illius perceperint et inde usque ad mortem ejusdem Comitis seisiti fuerunt ut predictum est necne et si sic tunc qualiter et quomodo vobis mandamus quod per sacramentum proborum et leg[alium] hominum de balliva vestra per quos rei veritas melius sciri poterit diligenter super premissis in omnibus et singulis et ea contingent[iis] faciatis inquisicionem et eam distincte et aperte factam nobis sub sigillo vestro et sigillis eorum per quos facta fuerit sine dilatione mittatis et hoc breve Teste me ipso apud Eboracum viii die Maii Anno regni nostri quintodecimo
Source (click image below to view full size)
