Charter Document - 05810148

Thomas Conte de Lancastre et de Leycestre Seneschal d'Angleterre a toutz ceaux qui cestes lettres verront ou orront saluz in Dieu Sachez nos avoir graunte a noz chierz et biens amez en Dieu le Priour de notre Dame de Lancastre et as moynes illeques Dieu servauntz et a leurs successorz en tenaunte come en nous est que il puissent encloire seissaunte acrez de leur wast joynaunte a leur close del Rigge en la ville de Neuton quest dedenz les preceinte de notre foreste de Lancastre et tenir en searalte sanz distourbance de nous ou de nous heirez en toutz sessons del an Issi que lez soient enclosez de fosse ou de hayez que nous bestez sauvages et nous forestiers puissent entire illecques et issir saunz distourbaunce selonc dicte assis de foreste En tesmoigne de quieu chose nous lez avounz fait faire cestez nous lettres ouertes seelez de notre seal Donne a notre chastell de Tutteburs le xx jour de Joigne en l'an du regne le Roy E fitz au tres noble Roy E vnzyme