Charter Document - 05810147

Charter Document - 05810147


Charter Number: 05810147
Cartulary Title: Materials for the History of the Church of Lancaster
Charter Language: Latin
Charter Origin: Royal
Charter Type(s): Assessment
Date: 1317
Date type: Internal, Regnal
Resource Link(s):

Charter:

Assisa capta apud Lanc[astriam] coram Dominis Johanne de Lille et Adam de Crockedek justiciariis assignatis die Lune proximo post Epiphaniam Domini anno regni regis E xxix Coram Domino Edmundo de Nevill Johanne Travers Magistro Willelmo Arislan et sociis suis ad diversas contenciones inter Priorem Lanc[astrie] et Magistrum Hospitalis Sancti Leonardi Lancastrie audiendum et inquirendum per mandalum domini Thome Comitis Lancastrie assign[atis] apud Lancastrie die martis in festo Sancte Lucie virginis Anno regni regis Edwardi filii Regis Edwardi xj et anno domini millesimo cccxvij Prior ecclesie beate Marie Lancastrie conquestus est domino suo domino Thome Comiti Lancastrie versus Magistrum Hospitalis sancti Leonardi Lancastrie de eo quod cum idem Prior et predecessores sui persone ecclesie predicte eam habentes in proprios usus de advocacione predicti comitis fuerunt in poss[ess]ione percipiend[i] omnimodas decimas tam majores quam minores per totam parochiam ecclesie predicte a tempore quo memoria non existit Idem tamen Magister blada ipsius Prioris ad valenciam c s de decimis suis garbarum proveniencium de terris et tenementis dicti Hospitalis apud Skerton et Lancastre infra parochiam predictam existentibus Et eciam viginti solidos provenientes de oblacionibus capelle hospitalis predicti que est infra parochiam predictam contra voluntatem ipsius Prioris cepere et asportavere ad dampnum ipsius Prioris decem marcarum [] Et predictus Magister venit et dicit quod non potest dedicere quin dictus Prior et sui predecessores fuerunt in pacifica possessione percipiend[i] omnes decimas predictas prout idem Prior asserebat Sed dicit se et fratres dicti Hospitalis privileg[iatos] esse a prestacione decimarum de terris quas propriis manibus ac sumptibus suis excolunt per quandam bullam domini Celestini Pape tertii tenorem infrascriptum continentem [] Et petit judicium [] Et idem Prior dicit quod predicta bulla sibi obesse non debet in hac parte quia dicit quod eadem Bulla tantum leprosis providere debet nec ad alios habet extendi prout eadem bulla plenius testatur et de hoc petit judicium [] Item dicit quod ubi per eandem bullam pretendunt se esse immunes a prestacione decimarum per hoc quod in dicta bulla continetur quod nullus ab eis exigat decimas de novalibus que propriis manibus aut sumptibus excolunt hoc facere non possunt pro eo quod secundum legitimas et canonicas sanctiones novale est ager de novo ad culturam redactus cujus non extat memoria quod aliquando cultus fuit Et predicte terre semper culte fuerunt a tempore predicto huc usque prout predicte terre ex diversis donacionibus feoffatorum suorum in dicta bulla particulariter confirmate plenius continetur petit judicium [] Et dicit quod quamvis hujus modi terre fuissent novalia quod non fatetur Dicit tamen quod ipse Prior et predecessores sui post dictam Bullam infrascriptam semper fuerunt in pacifica possessione nulla interrupcione media percipiend[i] omnes decimas a tempore cujus contrarii memoria non existit Ita quod dicte bulle contraria facto penitus dirrogatur Et hoc paratus est verificare secundum quod concilium dicti domini Comitis debite duxerit ordinandum in hac parte salvo jure suo et sue ecclesie anted icte Et predictus Magister pro se et fratribus suis similiter Et quia predictus Comes de percepcione decimarum predictarum quantum in ipso est certiorari affectat processum est inde ad inquirendum veritatem [] Jurati dicunt super sacramentum suum quod predictus Prior et sui predecessores a tempore cujus contrarii memoria non existit fuerunt in pacifica possessione percipiend[i] decimas garbarum de omnibus terris et tenementis predictis et eciam omnes oblaciones et obvenciones qualitercunque provenientes ad capellam predictam et eas actualiter perceperunt per totum tempus predictum hucusque Et dicunt quod dictus Magister pro se et fratribus suis predictis simul cum quodam Thoma de Coote ex precepto domini Henrici de Maltona vicecomitis Lancastrie blada ipsius Prioris proveniencia de decimis terre predicte ad valenciam xl s apud Skerton invent[is] Et similiter idem Magister et fratres xx s de oblacionibus dicte capella ceperunt et asportaverunt Et quo ad unum toftum unam acram et unam rodam cum pertinentiis in Hesham et eciam ad piscacionem aque de Lone in Lancastre que predictus vicecomes in manus predicti domini comitis seisivit injuste prout predictus Prior ipsi domino suo conquerendo asserebat dictum est eidem Priori quod inde ostendat jus suum et ecclesie sue predicte si sibi viderit expedire Et idem Prior dicit quod ipse et sui predecessores a tempore cujus contrarii memoria non existit hucusque fuerunt seisiti ut de jure ecclesie sue predicte de predictis tenementis cum pertinentiis in Hesham et eciam de predicta piscacione aque de Lone in Lancastre videlicet ad piscandum et habendum tertium tractum cum sagena sua in quodam loco qui vocatur Seintmarypot in aqua predicta postquam Abbas Furnesie in eodem loco cum sagena sua piscando primo bis tractaverit et eciam ad piscandum et tractandum cum sagena ipsius Prioris per totam aquam predictam a quodam loco qui vocatur Seynt Mary Well usque Prestwath semper secunda vice post idem Abbas cum sagena sua piscando prima vice tractaverit Et hec petit idem Prior quod inquirantur Et ad evidenciam sui juris de tenemento et piscacione predictis profert quoddam scriptum quiteclamacionis sub nomine cujusdam Rogeri filii ffyuiani de Hesham per quod idem Rogerus concessit remisit et omnino quietum clamavit totum jus suum et clamium que habuit in predictis tenementis in Hesham cuidam fratri Willelmo de Reio predecessori predicti Prioris a tempore cujus mortis elapsi sunt sexaginta anni ut dicit Et etiam profert quoddam aliud scriptum indentatum per quod predictus Abbas super quadam contencione inter ipsum Abbatem et predictum Priorem mota de piscacione predicta ratificavit et concessit piscacionem illam quam idem Prior habet in aqua pre dicta esse jus ipsius Prioris et ecclesie sue predicte modis et forma tractandi et piscandi ut predictum est Juratores predicti dicunt super sacramentum suum quod predictus Prior et ejus predecessores a tempore quo non extat memoria fuerunt seisiti de predictis tenementis in Hesham et eciam de predicta piscacione cum pertinentiis ut de jure ecclesie sue predicte videlicet ad piscandum et habendum [] Quesiti si predictus dominus Comes vel aliquis alius habeant vel habere debeant aliquam piscacionem vel piscariam in eadem aqua infra loca predicta dicunt quod non Et eciam quesiti si predicti Abbas vel Prior aliquo alio modo unquam piscaverunt in aqua predicta dicunt expresse quod non

Source (click image below to view full size)