Charter Document - 05810146

Assisa capta apud Preston in Amundernesse coram Willelmo Hawart et Johanne de Battford Justiciariis assign[atis] Anno regni regis E xxi Assisa venit recognoscere si Johannes filius Jacobi de Pulton Johannes filius Ade de Pulton Willelmus filius Ricardi de Coton Nicholas filius Paulini de Preston Henricus filius Alicie de Pulton Nicholaus frater ejus Almaricus filius Johannis Rogerus et Thomas frater ejus injuste et sine judicio disseisiverunt Priorem de Lancastre de libero tenemento suo in Pulton in Amundernesse post primam [] Et unde queritur quod disseisivit eum de lx perticatis terre in longitudine et quinque pedes in latitudine cum pertinentiis in Pulton Et Johannes filius Jacobi in propria persona sua et omnes alii preter predictos Johannem filium Ade et Nicholaum filium Paulini per predictum Johannem filium Jacobi ballivum suum venerunt Et Johannes filius Ade non venit eo quod vicecomes testatur quod mortuus est [] Et Nicholaus filius Paulini non venit nec fuit attachiatus eo quod non fuit inventus Ideo capiatur assisa versus eum per defaltam [] Et Willelmus filius Ricardi et omnes alii preter predictum Johannem filium Jacobi per predictum ballivum suum dicunt quod nichil habent nec aliquid clam[ant] in predictis tenementis nec aliquam injuriam aut disseisinam ei fecerunt et de hoc pon[unt] super assissam Et Johannes filius Jacobi respondit tanquam tenens predictorum tenementorum et dicit quod ipse tenuit predicta tenementa conjunctim cum predicto Johanne filio Ade die impetracionis brevis scilicet xj die Junii hoc anno qui mortuus est cui quidem Robertus ut filius et heres concessit in predictis tenementis sine quo non potest predicta tenemento ducere in judicium qui non nominatur in brevi et petit judicium [] Et si convincatur per assisam quod ipse non tenuit predicta tenementa conjunctim die [] Tunc dicit quod predictus Prior nunquam fuit in seisina de predictis tenementis ut de libero tenemento suo ita quod non potuit disseisin et de hoc ponit se super patriam [] Et Prior dicit quod ipse tanquam capitalis Dominus predicte ville de Pulton appruavit se de predictis tenementis sicut ei bene licuit per statuta [] et quod predicti Johannes et Johannes nunquam aliquid habuerunt solo predictorum tenementorum nisi communem pasturam tantum Et dicit quod ipse fuit seisitus de predictis tenementis sicut appruatis quousque predictus Johannes et alii ipsum injuste [] diss[eisiverunt] et de hoc ponit se super assisam [] Et Johannes filius Jacobi dicit quod predictus Prior dominium predicte ville de Pulton clamare non poterit nec per consequens sic appruare quia dicit quod antecessores sui et antecessores predicti Johannis filii Ade et eciam quidam Rogerus Peitivin a tempore quo non extat memoria habuerunt et tenuerunt predictam villam de Pulton in communi et fuerunt participes et communiarii ejusdem et dicit quod predictus Rogerus le Peytevin construxit quandam ecclesiam in predicta villa de Pulton et dotavit eam de omnibus terris et tenementis que habuit in predicta villa scilicet de tertia parte predicte ville cum pertinentiis suis Et postea idem Rogerus dedit cuidam Priori de Lancastre predecessori Prioris nunc predictam Ecclesiam simul cum omnibus terris predictis in puram et perpetuam elemosinam tenendam eidem Priori et Ecclesie sue et successoribus suis imperpetuum Et dicit quod predicti antecessores sui et antecessores predicti Johannis filii Ade volentes promocionem predicte ecclesie dederunt predicte ecclesie quoddam annuale redditum de terris suis in villa predicta percipiendum videlicet de qualibet bovata terre sue vj d Et dicit quod predictus Prior nec aliquis predecessorum suorum nunquam habuere in predictis duabus partibus predicte ville et dicit quod predictus Prior tanquam capitalis Dominus predicte ville voluit appruasse se de predicto tenemento sine assensu et voluntate sua et ipse predictum Priorem recenter impedivit sicut ei bene licuit et quod aliam injuriam aut disseisinam ei non fecit Ponit se super assisam et Prior similiter Ideo capiatur assisa [] Juratores dicunt super sacramentum suum quod predictus Prior est capitalis Dominus de Pulton Et quod predictus Johannes filius Jacobi et omnes alii de predicta villa de Pulton tenent tenementa sua in eadem per homagia et per certa servicia Et dicunt quod predictus Prior appruavit se de predictis tenementis in communia predicte ville de Pulton et fuit in seisina de predictis tenementis sic appruatis a die iune mane ad diem mercurii proxime sequentem citra horam vespertinam Et tunc venerunt predicti Johannes et omnes alii vi et armis et predictum Priorem de predictis tenementis injuste et sine judicio disseis[iverunt] sicut queritur Ideo consideratum est quod predictus Prior recuperet seisinam suam de predictis tenementis et dampna sua que taxantur per jur[atores] ad ii s et predictus Johannes et alii capiantur et salvo custodiantur []