Charter Document - 05810139

Hec indentura facta inter Religiosum virum fratrem Adam Couratt Priorem ecclesie beate Marie Lancastrie ex una parte et Dominum Adam Banastre militem ex altera testatur quod cum quedam dissensiones et cause discordie nuper inter eosdem suborte fuissent tam super transitu ad homines peditos et equites carectas et plaustra ipsius Prioris hominum et tenencium suorum per diversas vias ultra terras predicti Domini Ade de Thornton Staynolf et Sengleton quam eciam super perturbacione colleccionis decimarum ejusdem Prioris infra dominium ejusdem Ade cariandarum discenciones et discordie supradicte intervenientibus amicis communibus amicabiliter conquieverunt in hunc modum videlicet quod predictus Dominus Adam concessit pro se et heredibus suis quod predictus Prior et successores sui homines et tenentes eorundem imperpetuum habeant duas vias sufficientes ultra terras ejusdem Domini Ade ad homines pedites et equites carectas et plaustra ad averia sua fuganda et refuganda et cariagia sua facienda scilicet unam viam a villis de Pulton et Thorneton ulteran Skippoles et exinde usque parvam Singleton per viam que ducit usque vadum de Aldewath in aqua de Wyre et aliam viam a predictis villis de Pulton et Thornton usque vadum de Bulkes in predicta aqua de Wyre Et preterea idem Dominus Adam concessit pro se et heredibus suis quod predictus Prior et successores sui et omnes alii qui per ipsum Priorem seu successores suos ad decimas suas in parochia de Pulton infra dominium ipsius Domini Ade colligendum et cariandum fuerint deputati decimas illas libere pacifice et sine impedmento ipsius Domini Ade et heredum suorum colligere valeant et cariare et commodum suum inde facere prout eis et ecclesie sue melius videbitur expedire Ita quod si contingat quod aliquod dampnum per dictum Priorem vel homines seu tenentes suos predicto Domino Ade vel heredibus suis in bladis vel in pratis eorum vel alibi injuriose illatum fuerit tunc dampnum illud secundum sui quantitatem rationabiliter emendet Et predictus Prior remisit et quietum clamavit predicto Domino Ade et servientibus suis quibuscunque omnimodam actionem transgr[essionis] quam idem Prior per prefatos Adam et servientes suos ipsi Priori illatam fuisse asserint Proviso tamen quod acciones debitorum si que ipsi Prior competant versus predictum Adam vel aliquem servientum suorum predictorum eidem Priori totaliter reserventur predicta remissione non obstante In cujus rei testimonium partibus hujus Indenture sigilla predictorum Prioris et Ade alternatim sunt appensa Hiis testibus Johanne de Denum Roberto de Shirebourne Roberto de Dalton militibus Johanne de Crof Willelmo le Gentill Johanne de Lancastre Henrico de Carleton et aliis Datum apud Lancastre die jovis proximo post festum Epiphanie Domini Anno Domini millesimo CCCXXX et anno regni Regis Edwardi iii a conquestu quarto