Charter Document - 05810138
| Charter Number: | 05810138 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1330 |
| Date type: | Internal, Regnal |
| Resource Link(s): |
|
Charter:
Edwardus Dei gratia Rex Anglie Dominus Hibernie et Dux Aquitanie dilectis et fidelibus suis Johanni Travers Willelmo de Tatham et Johanni de Horneby seniori salutem Ex gravi querela dilecti nobis in Christo Radulphi Prioris Lanc[astrie] accepimus quod Adam Banastre miles Johannes Wenne Willelmus de Thorneton Ricardus le Demand Ricardus de Brocholes Galfridus le Procuratoure et Adam le Reve ac quidam alii malefactores et pacis nostre perturbatores ipsum Priorem apud Pulton vi et armis exceperunt et ipsum ibidem abinde usque Thornton duxerunt et eum ibidem imprisonaverunt et male tractaverunt et in homines et servientes suos ibidem insultum fecerunt et ipsos verberaverunt vulneraverunt et imprisonaverunt et male tract averunt per quod idem Prior servicium eorundem hominum et servientium suorum per magnum tempus amisit et alia enormia ei intulerunt ad grave dampnum ipsius Prioris Et contra pacem nostram Et quia transgr[essionem] predictam si perpetrata fuerit relinquere nolumus impunitam assignavimus vos et duos vestrum quorum vos prefate Johannes Travers alterum esse volumus Justiciarios nostros ad inquirendum per sacramentum proborum et legalium hominum de comitatu Lancastrie per quos rei veritas melius sciri poterit de nominibus malefactorum predictorum qui una cum prefatis Adam Johanne Willelmo Ricardo Ricardo Galfrido et Adam transgressionem predictam perpetraverunt et de transgressione illa plenius veritatem et ad eandem transgressionem audiendam et terminandam secundum legem et consuetudinem regni nostri Et Ide vobis mandamus quod ad certos diem et locum quos vos vel duo vestrum quorum vos prefate Johannes Travers alterum esse volumus ad hoc provideritis inquisicionem illam faciatis et transgressionem predictam audiatis et terminetis in forma predicta facturi inde quod ad Justic[iarios] pertinet secundum legem et consuetudinem Regni nostri Salvis nobis amerciamentis et aliis ad nos inde spectantibus Mandamus enim vicecomiti nostro comitatus predicti quod ad certos dies et loca quos vos vel duo vestrum quorum quorum vos prefate Johannes Travers alterum esse volumus ei scire fac[iatis] venire fac[iatis] coram vobis vel duobus vestrum quorum vos prefate Johannes Travers alterum esse volumus tot et tales probos et legales homines de Balliva sua per quos rei veritas in premissis melius sciri poterit et inquiri In cujus rei testimonium has litteras nostras fieri fecimus patentes Teste me ipso apud Westmonasterium xiii die Decembris anno regni nostri quarto Per finem unius marce per peticionem de conc
Source (click image below to view full size)
