Charter Document - 05810125
| Charter Number: | 05810125 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willelmus filius Ade de Merton salutem Noveritis me pro salute anime mee et animarum predecessorum et successorum meorum concessisse dedisse et presenti carta mea confirmasse deo et ecclesie beate Marie Lanc[astrie] Priori et monachis ibidem deo servientibus unum toftum cum edificiis in eadem constructis illud scilicet toftum quod quondam tenui jacens juxta toftum Michaelis fratris mei ex parte orientali Tenendum et habendum predictum toftum cum omnibus libertatibus et aysiamentis tante terre in eadem villa pertinentibus memoratis Priori et monachis in adeo puram et perpetuam elemosinam sicut aliqua elemosina quiecius et liberius dari potest vel concedi Et ego Willelmus et heredes mei predictum toftum cum omnibus sicut prescriptum est memoratis Priori et monachis contra omnes mortales warantizabimus et defendemus imperpetuum In cujus rei testimonium presenti scripto sigillum meum pro me et heredibus meis sigillum meum apposui Hiis testibus Dominis Willelmo le Botyler Ricardo le Botyler militibus Willelmo de Sengelton Ricardo de Thornton Henrico de Carleton Almarico de Lecamton Ada de Pulton et aliis
Source (click image below to view full size)
