Charter Document - 05810124
| Charter Number: | 05810124 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willelmus filius Almarici le Botyler salutem Noveritis me pro salute anime mee et animarum predecessorum et successorum meorum concessi dedi et presenti carta mea confirmavi deo et ecclesie beate Marie Lancastr[ie] Priori et monachis ibidem deo servientibus unam acram terre in Laton ad sedem unius grangie ubi decimas suas pro voluntate sua possint congregare illam scilicet acram que jacet juxta semitam que extendit se a regia strata versus parvam maram ex parte meridionali Tenendam et habendam eisdem Priori et monachis et eorum successoribus de me et heredibus meis in puram et perpetuam elemosinam Ita quod possint decimas suas per campos et villas pro voluntate eorum ad dictam grangiam racionabiliter cariare et ad eandem grangiam sine impedimento mei vel meorum liberum habere introitum et exitum Ego vero Willelmus et heredes mei predictam acram terre predictis Priori et monachis contra omnes mortales warantizabimus et defendemus imperpetuum In cujus rei testimonium presenti scripto sigillum meum pro me et heredibus meis apposui Hiis testibus Domino Roger de Heton Domino Willelmo de Carleton Willelmo de Sengelton Johanne de Haconeshou Ricardo de Thornton Henrico de Carleton Ada de Pulton et multis aliis
Source (click image below to view full size)
