Charter Document - 05810123
| Charter Number: | 05810123 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 |
| Date type: | Assigned |
| Resource Link(s): |
|
Charter:
Universis sancte matris ecclesie filius ad quos in presens pervenerit Willelmus Pincerna salutem Noveritis me et heredes meos concessisse dedisse et presenti carta nostra confirmasse deo et sancto Martino Sagiensi et ecclesie beate Marie Lanc[astrie] et ecclesie de Biscopham unam bovatam terra in villa de Biscopham cum tofto et crofto et cum omnibus pertinenciis et aysiamentis uni bovate terre in eadem villa pertinentibus illam scilicet bovatam terre quam Adam filius Jacobi quondam tenuit in eadem villa et insuper decimas molendinorum meorum in illa parochia in puram et perpetuam elemosinam pro animabus Regum Henrici Ricardi et Johannis et pro animabus predecessorum et successorum nostrorum et terram illam ab omni forinseco et seculari servicio exaccione et demanda warantizabimus et defendemus imperpetuum Abbas vero Sagii Prioris sui et monachorum suorum habito communi assensu et consilio nobis habere cantariam nostram in capella nostra de Laton ita quod ullum preter capellanum predicti Prioris in dicta capella aliquo tempore divina celebrare permittemus nisi ex permissione dicti Prioris aliquando contigerit evenire nec aliquam parochianorum suorum excepta familia nostra permittemus divina aliquo tempore in eadem audire vel percipere Predictus vero Prior per manum capellani sui qui ibidem nomine ipsius ministraverit sine contradiccione et molestra percipiet omnes oblaciones et obvenciones quas in ea aliquo tempore contigerit pervenire festivis siquidem diebus scilicet die natalis domini die Purificacionis beate Marie die Pasche die Pentecostes die eciam festo matricis ecclesie nos ecclesie de Biscopham tanquam matrici ecclesie nostre cum oblacionibus nostris una cum familia nostra divina misteria ibidem audituros et participaturos sine difficultate presentes exhibebimus In cujus rei testimonium presenti carte sigilla nostra apposui Hiis testibus Dominis Roberto de Lathum Willelmo de ffurneys Rogero de Heton Ricardo le Botyler militibus Willelmo de Thornton Johanne de Haconeshu Ricardo de Thornton Almarico de Lecamton Roberto de Marisco et aliis
Source (click image below to view full size)
