Charter Document - 05810119
| Charter Number: | 05810119 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1241 |
| Date type: | Assigned |
| Resource Link(s): |
|
Charter:
Hec est composicio facta inter Galfridum Priorem et monachos Lanc[astrie] ex una parte et Henricum de Wytington ex altera super petita capellania a dicto Henrico habenda in Carleton que est sita infra limites parochie de Pulton videlicet quod dicti Prior et monachi unanimiter concesserunt dicto Henrico et assignatis suis et eorum heredibus ut habeant capellaniam cum divinorum celebracione in dicta parochia liberam ita scilicet quod dictus Henricus et successores sui propriis sumptibus sacerdoti si voluerint habere specialem necessaria omnia ministrabunt salvis in omnibus decimis oblacionibus obvencionibus majoribus minoribus ecclesie matrici jure communi debitis Ita quod sacerdos pro tempore in inicio ministracionis sue jurabit inspectis Sacrasanctis evangeliis quod jura matrici ecclesie servabit illas pro posse et quod nichil juris sibi vendicabit in oblacionibus decimis vel obvencionibus vel aliis omnibus jure ad matricem ecclesiam pertinentibus nisi speciali concensu dicti Prior et monachi Lanc[astrie] et pro tempore vicarii eidem quid duxerint gratis concedendum Dictus siquidem Henricus juravit et successores ejus jurabunt sematricem ecclesiam in omnibus majoribus minoribus conservaturos illesam et ut immunes habeantur ab omni lesione dictus Henricus tanquam lesionem si que possit esse redimendo ecclesie beate Marie de Lancastre et dictis Priori et monachis ibidem deo servientibus dedit et concessit tres solidos sterlingorum de molendino suo aquatico de Carleton singulis annis ad festum Sancti Michaelis imperpetuum percipiendos quos dictus Henricus et successores sui prefatis Priori et monachis molendino inter dicto illos compellere ad solvendum Et ut hoc imperpetuum robur optineat firmitatis utraque pars scripto presenti in modum cirographi confecto signa sua duxerint apponenda Hiis testibus Willelmo de Tatham tunc temporis Decano Lancastr[ie] Ricardo Rectore Ecclesie de Kyrkeham Willelmo persona Ecclesie de Gayrestang Roberto de Clagherton Galfrido Arblastar[io] Johanne filio suo Willelmo de Carleton Johanne filio Walehef de Pulton Roberto de Pulton Willelmo de Thornton et aliis
Source (click image below to view full size)
