Charter Document - 05810118
| Charter Number: | 05810118 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1285 |
| Date type: | Assigned |
| Resource Link(s): |
|
Charter:
Noverint universi quod ego Walterus filius et heres domini Willelmi de Karleton dedi concessi et presenti carta mea confirmavi deo et ecclesie beate Marie Lanc[astrie] Priori et monachis ibidem deo servientibus pro salute anime mee et animarum antecessorum et successorum meorum unam aream orrei decimalis in Carleton continentem quatuor perticatas in longitudine et duas perticatas in latitudine jacentem ex parte boriali loci que vocatur Damspot in angulo inter jacentem et venientem de grangia abbatis de Cokersand in predicta villa et viam venientem de Biscopham Tenendam et habendam dictam aream dictis Priori et monachis et eorum successoribus imperpetuum in puram et perpetuam elemosinam adeo libere et quiete sicut aliqua elemosina dari potest cum libero introitu et exitu tam per campos quam per vias et semitas ad colligendum decimas suas tam feni quam bladi temporibus debitis et oportunis ad grangiam sitam in area predicta Et ego Walterus et heredes mei in predictam aream et grangiam in eadem sitam cum suis pertinenciis supradictis Priori et monachis et eorum successoribus contra omnes gentes warantizabimus acquietabimus et defendemus imperpetuum In cujus rei securitatem presens scriptum sigilli mei impressione roboravi Hiis testibus Domino Henrico de Lee tunc vicecomite Lanc[astrie] Domino Ricardo le Botyler Domino Ada de Houghton Henrico le Botyler Alano de Sengelton Henrico de Carleton et aliis
Source (click image below to view full size)
