Charter Document - 05810110
| Charter Number: | 05810110 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis hoc scriptum visuris vel audituris Robertus filius Ricardi filii Waltheni salutem Noveritis me dedisse concessisse et presenti carta mea confirmasse deo et ecclesie beate Marie Lanc[astrie] Priori et monachis ibidem deo servientibus in liberam puram et perpetuam elemosinam pro salute anime mee antecessorum et successorum meorum unam bovatam terre in Pulton quam Robertus de Ybernia quondam tenuit et medietatem unius tofti quam Adam de Hole quondam tenuit Tenendam et habendam imperpetuum adeo libere et quiete sicut aliqua elemosina melius liberius et quiecius dari poterit et concedi cum omnibus pertinenciis suis libertatibus et aysiamentis infra villam de Pulton et extra tante terre pertinentibus Ita quod ego Robertus vel heredes mei vel aliquis nomine nostro nunquam jus vel clammium in predicta bovata terre cum pertinenciis preter elemosinas et oracionum suffragia de cetero exigere vel vendicare poterimus Ego vero Robertus et heredes mei predictam bovatam terre cum pertinenciis predictis ecclesie Priori et monachis contra omnes homines warantizabimus et ab omni servicio seculari acquietabimus et defendemus Et ut hec mea donacio rata et stabilis imperpetuum permaneat presenti scripto sigillum meum apposui Hiis testibus Domino Roberto de Lathum Domino Rogero de Heton Thoma de Coupmanwra Johanne de Hacuneshou Ada de Pulton Willelmo de Pres Ada de Stalmyn et aliis
Source (click image below to view full size)
