Charter Document - 05810104
| Charter Number: | 05810104 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris vel audituris Willelmus filius Johannis filii Baudewyni de Pulton salutem Noveritis me dedisse concessisse et omnino quietum clammasse a me et heredibus meis domino Priori Lanc[astrie] et monachis ibidem deo servientibus totum jus et clammium quod habui vel habere potui in villa de Magna Pulton exceptis terris et tenementis quas Nicholaus et Johannes fratres mei de me in eadem tenuerunt Dedi eciam et omnino quietum clammavi a me et heredibus meis dictis Priori et monachis totum jus et clammium quod habui vel habere potui in homagio servicio escaetis et releviis predictorum fratrum meorum Nicholai et Johannis Ita quod nec ego Willelmus nec heredes mei nec aliquis nomine nostro aliquid jus vel clammium in predicta villa vel in homagio servicio escaetis et releviis predictorum fratrum meorum decetero exigere vel vendicare poterimus In cujus rei testimonium huic scripto sigillum meum apposui Hiis testibus Domino Alano de Sengelton Henrico de Haydoc Waltero de Carleton Johanne de Thornton Jacobo de Pulton et aliis
Source (click image below to view full size)
