Charter Document - 05810097
| Charter Number: | 05810097 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1256 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam filius Roberti de Pulton dedi concessi et hac presenti carta mea confirmavi Almarico filio Johannis de Lecamton unum toftum in villa de Pulton scilicet quod jacet in duobus locis una pars jacet juxta toftum Amicie de Mora versus orientem altera vero pars juxta toftum domini Abbatis de Cokersand versus occidentem cum una acra terre in campo ejusdem ville que jacet in duabus partibus una pars super Karfurlong et altera pars super Gretefurlong quam Carnewey quondam tenuit Preterea concessi eidem Almarico unam landam in territorio dicte ville jacentem super campum qui vocatur Kyrkebrek quam Walterus de Mora quondam tenuit Habenda et tenenda pro homagio et servicio suo sibi et heredibus suis vel suis assignatis de me et heredibus meis in feodo et hereditate libere et quiete cum omnibus libertatibus et aysiamentis dicte ville de Pulton pertinentibus quantam ad tantam terram pertinet Reddendo inde annuatim michi et here dibus meis iiij denarios ad Pascha pro omni servicio exaccione et demanda Ego vero Adam et heredes mei predictam terram cum omnibus pertinenciis dicto Almarico et heredibus suis vel suis assignatis contra omnes homines et feminas warantizabimus imperpetuum In cujus rei testimonium huic carte sigillum meum apposui Hiis testibus Domino Willelmo de Carleton Ricardo de Thornton Thomas de Northcros Willelmo de Merton Jacobo de Pulton et multis aliis
Source (click image below to view full size)
