Charter Document - 05810091
| Charter Number: | 05810091 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Notum sit omnibus quod dominus Willelmus de Reo Prior Lanc[astrie] dedit in escambium Roberto filio Alexandri quondam rectore ecclesie de Pulton toftum quod jacet juxta cimiterium ejusdem ecclesie ex parte meridiana prout jacet in longitudine et latitudine sine diminucione aliqua et unam acram terre in territorio de Pulton cujus medietas jacet super Standendestan et altera medietas super moram pro tofto quod idem Robertus habuit in villa de Pulton juxta illud cimiterium ex parte occidentali Ita tamen cum contingat dictum Robertum ad legitimam pervenire etatem et suum velit repetere toftum liceat Priori qui pro tempore fuerit predictam domum revocare et ad pristinum statum reducere Tenendum et habendum sibi et heredibus suis vel assignatis suis in testamento suo vel extra constitutis de Prioratu Lanc[astrie] libere quiete ab omni servicio secta curie exaccione seculari et demanda cum omnibus pertinenciis suis et aysiamentis dicte terre infra villam de Pulton et extra pertinentibus Reddendo inde annuatim tres denarios ad festum Sancti Michaelis dicto Priori et ejus successoribus pro omnibus serviciis et demandis Si autem contingat dictum Robertum sine herede vel assignatis decedere predicte terre accrescant Eduse sorori sue et suis heredibus vel assignatis et dictus Prior et ejus successores predictas terras secundum quod scriptum est warantizabunt et defendant In cujus rei testimonium dictus Prior huic scripto sigillum suum apposuit Et quia dictus Robertus signum non habuit ideo signum Alexandri patris sui huic scripto apposuit Hiis testibus Thoma filio Rogeri de Lanc[astre] Rogero capellano de eadem Thoma capellano de eadem Nicholas tunc senescallo Prioris Lanc[astrie] Almar[ico] de Lecamton et aliis
Source (click image below to view full size)
